興記

Open Now

Now Closed

今天本來想食隔離間野，但無開。行行下唔知食乜比阿姐叫左埋去，話$35蚊有野飲。不嬲價錢都唔係我首選，平通常都無好。貴也不一定好。見唔知食乜之下就坐底左。望望牆上啲牌看看有咩好食，死，原來個牌唔係佢地。望返佢個餐牌，啲野食好似伏伏地，爭啲想起身走，因為只係果啲汁飯。咖哩呀，粟米汁呀果啲。唔係正常既中式飯。見到唯一我會食既炒粉麵。夏門炒米。心諗算啦好又一餐唔好又一餐。是旦食完返去做野。黎到。嘩吓。啲料足到飛起。有叉燒炒蛋、芽菜、味菜、洋蔥、黃椒、聰、辣椒、火腿。味道層次完全係高過其他茶記幾班。啲蛋炒得好香。又夠火喉。絕對上乘。同埋叫左杯茶走。未食野已經比我飲哂。有茶味，唔澀，夠滑，易入口。埋單只係$35姐。無得輸呀。點都要哂啲時間寫個食評支持下小店。