一君士多 (Closed)

今日行過這裡，見到佢有喜歡食嘅車仔麵，於是入去搵食，座位分兩邊，座下後店員就放了張點菜紙在枱上，點菜紙裡面除了有招牌麵餐選擇外，還有咖喱飯同風味小食，選擇多亦係這裡嘅特色！我點了個招牌推介嘅霸王麵$98，哩個價錢嘅車仔麵可以有鮑魚、廣島蠔、花膠同帶子，哩個組合哩個價錢，有齊哩啲食材，真係真材實料，如果唔夠菜款還可以在點菜紙加菜，差不多有成三十款選擇，每款劃一$8，都十分抵食！霸王麵上枱，上面放滿了材料，每款兩件，鮑魚雖然唔係大大隻但一樣彈牙爽口，而廣島蠔味道濃郁，花膠亦十分軟熟嫩滑，帶子肉質都十分爽口，而個湯底可以按自己選擇，我就選了牛腩汁湯底味道十足！除此之外個香酥南乳雞翼$28，炸得十分香脆可口，交落去時有陣香濃嘅南乳味道，外脆內軟，而且肉質十分嫩滑！而朋友就點了碗蔥油豬扒飯$58，豬扒飯上放了蔥油，蔥油味已先樸鼻而來，豬扒炸得剛剛好，入口香口但又唔會乾身，加埋個蔥油入口都唔會太肥膩，還有片生菜可以清清熱氣！跟餐可以用跟餐價點選飲品，我就要了杯咸檸七$12，7起同冰杯分上，咸檸就浸在冰杯內，按自己喜歡倒入7起！而呢個甜品個人推介，香蕉成熟船$48，情意結，因看過一套同名電影，加上老