越華會海鮮館 (Closed)

今晚同兩位工作上非常照顧我晚大大盡訴心中情，呢間係其中一位既飯堂，平靚正真係當之無愧。今餐飯既重點係傾計，無論我地傾得幾投入，當每道菜上菜既時候都忍唔住比d香氣吸引左停一停食一食先👍🏻❤️蒜茸炒雜菜❤️蒜茸味香到爆，蓮藕荷蘭豆西芹爽脆清甜❤️蒜茸粉絲蒸大聖子❤️成支筷子咁長，蒜茸粉絲比例啱啱好，聖子新鮮好味❤️魚湯浸大蜆❤️非常香濃既胡椒粉味，吸引到流曬口水，飲完要即刻飲返啤酒，爽曬❤️脆皮炸豆腐❤️每枱必點，外皮酥脆豆腐軟滑，仲有椒鹽咸香，送酒必備❤️芝士斑塊❤️其貌不揚但芝味濃郁，第一次食到咁濃芝士味既中菜❤️咕嚕蝦油條❤️油條上既蝦膠彈牙，菠蘿夠多、食得過癮每道餸既特色都做到恰到好處，會再幫襯試埋其他菜。