宮葉 パフェ (Closed)

我聽朋友提起過宮葉嘅拉麵同甜品都好好味，值得前往一試，於是我今日就黎到位於太子嘅宮葉一試呢度嘅拉麵啦！一打開餐牌，各式各樣嘅拉麵呀，甜品呀都出現係我面前，賣相真係好吸引，我就叫左個拉麵同甜品啦！哇！超級香嘅吉野牛肉拉麵黎到我面前啦！一睇就知個湯超級好味，一食果然無令我失望，真係好好味，個湯超湯味，面條超滑，雪雪聲，牛肉亦醃得好入味，味道好特別，口感好鮮嫩而且唔韧，中有其他嘅配菜都好好味，例如竹筍好爽口，木耳都好好味，半隻蛋，蛋黃水润润，甜甜地咁，成碗面嘅配搭都唔錯！食完一碗熱辣辣，香噴噴嘅牛肉拉麵，當然中要叫多個甜品啦！畢竟呢度嘅甜品都好靚，好吸引，緊係要試下啦！一上枱，呢個士多啤梨雲呢拿雪糕芭菲實在太可愛啦！熊貓外形嘅雲呢拿雪糕球真係太搞笑啦！萌萌嘅外表令人都唔捨得拆散佢。先試熊貓雪糕球，好濃好濃嘅雲呢拿就融入口中啦！隔離嘅士多啤梨酸酸地，中和雪糕嘅甜味，夾埋一齊食，好好味！下層係cream鋪係芒果上面，再下層就係布丁嘅口感，兩層布丁夾住嘅係紅梅，酸酸地嘅，配合埋布丁果d,味道的確唔錯