鮨玥 (Closed)

近西灣河碼頭嘅一間日式料理餐廳，早幾日貪得意搭船去西灣河，就發現到呢間餐廳了。真蠔 $68隻 每隻約120g，所以size都算中等，厚肉而且味濃，口感creamy，呢餐用佢嚟打頭陣超正。北海丼定食 $328 賣相超！豪！華！各款刺身都有啲咁，啱哂心大心細嘅人。最近愛上咗食鮑魚，呢到嘅鮑魚好彈口，好味道。本鮪壽司盛 $255 有赤身、中拖羅、大拖羅，質素中上，可以再肥美啲，同埋略嫌有少少筋。火炙三文魚 $20 雖然塊三文魚唔算好肥美，但係燒得好香，而且同返嘅比例掌握得啱啱好，好食。火炙左口魚裙邊 $38 相比起火炙三文魚，呢個遜色少少，燒得唔係好夠，令到頂層唔夠香。鵝肝帶子卷 $78 帶子好肥美厚肉，而且鮮甜，但鵝肝就唔太出味，變相成件卷物味道偏淡。蘋果雪葩 $58 原本想叫菠蘿雪葩，可惜當日售罄，但蘋果呢款都非常好食，蘋果味好清甜，但唔會一味死甜。需加一服務費，埋單二人約$1000。如果你鍾意睇我嘅食評，不妨關注我，支持吓我，謝謝你☺️💕