Video
Read full review
2011-02-15
51 views
有訂位, 七點正準時到, 去到即刻有位唔駛等, 而且聽電話留位時親切有禮, 值得一讚。唯一唔太滿意嘅係上菜節奏異常急促, 好似想趕我哋走咁…重點係客人食唔切啲熱嘢灘到凍晒、同埋成枱面鋪滿食物嚴重破壞情調……落單後5分鐘內即上第一味: 緊接住, 30秒後上埋第二味:再嚟, 兩分半鐘後, 精華部份上場: 6分鐘後 (仲努力食緊之前進度未趕得上嘅甜蝦之際)…以驚人速度10秒後, 唔係呱? 咁快嚟埋個串燒… 又過4分鐘上埋呢個: 情人節set menu上90%嘅餸菜喺落單後21分鐘, 速度驚人, 快過晒去大XX打邊爐…呢個有驚冇喜, My lovely girl said, "散咗嘅… 哈哈哈", 好彩我哋唔迷信啫, 冇事! *甜品仲有兩粒貌似中式豆沙水晶飽、味道okay嘅紅豆菓子。食完成個set我哋都冇乜表情, 太趕了…最後侍應哥哥見我哋咁可憐, 請我哋兩個人飲咗一杯Peach Yogurt Soda, 多謝晒!(唔知道如果我chok個死人樣出嚟佢會唔會開支紅酒我飲呢… )結語:如果上菜速度慢番啲會加好多分㗎! 真㗎! 從生意角度我都明白梗係想做多兩轉啦!話晒都係重要節日嘛, 仲要收得呢
唯一唔太滿意嘅係上菜節奏異常急促, 好似想趕我哋走咁…
重點係客人食唔切啲熱嘢灘到凍晒、同埋成枱面鋪滿食物嚴重破壞情調……
落單後5分鐘內即上第一味:
緊接住, 30秒後上埋第二味:
再嚟, 兩分半鐘後, 精華部份上場:
6分鐘後 (仲努力食緊之前進度未趕得上嘅甜蝦之際)…
以驚人速度10秒後, 唔係呱? 咁快嚟埋個串燒…
又過4分鐘上埋呢個:
情人節set menu上90%嘅餸菜喺落單後21分鐘, 速度驚人, 快過晒去大XX打邊爐…
呢個有驚冇喜, My lovely girl said, "散咗嘅… 哈哈哈", 好彩我哋唔迷信啫, 冇事!
*甜品仲有兩粒貌似中式豆沙水晶飽、味道okay嘅紅豆菓子。食完成個set我哋都冇乜表情, 太趕了…
最後侍應哥哥見我哋咁可憐, 請我哋兩個人飲咗一杯Peach Yogurt Soda, 多謝晒!
(唔知道如果我chok個死人樣出嚟佢會唔會開支紅酒我飲呢… )
結語:
如果上菜速度慢番啲會加好多分㗎! 真㗎! 從生意角度我都明白梗係想做多兩轉啦!
話晒都係重要節日嘛, 仲要收得呢個價錢, 要識做啲先得嘛!
整體分數要被扣嚕! 對唔住嚕! 只係睇食物質素下次都會考慮再去, 不過只限平日嚕!
Post
