築地‧山貴水產市場 (Closed)

今日一個人特登去左築地食晚餐！灣仔築地，當時開業人山人海，隔左咁長時間今晚黎到依度依舊人流無減！日本築地關門，轉地點變左灃洲水產，我一直都好想去試下，今晚就去左香港築地過下口癮先啦！場內分左好多唔同區域，有浜燒、有壽司、有拉麵等等，天氣開始凍冰冰，我就去左拉麵區食碗熱辣辣拉麵啦！山貴特選拉麵，大大碗足夠兩個人食啦！材料並不普通，有龍蝦、日本北海道鱈場蟹腳、魷魚，由日本直送夠哂有誠意！龍蝦大大隻好霸氣，入口非常鮮甜鮮嫩，爽口彈牙，鮮味濃郁！仲有龍蝦膏夠哂驚喜，湯底咸香唔會過於濃，唔會搶左海鮮鮮味！拉麵彈牙非常有麵粉香味，掛湯力非常高，每一口都好滋味！場內人山人海，食碗拉麵都好有氣氛啊！下次我會再黎試下場內其他區域既食物，特別對壽司區好有興趣呀！