喜鍋 海鮮.點心.活刺身 蒸氣石鍋專門店 (Closed)

一行4人book 左去試呢間新開無耐既蒸鍋，一入去見到藍色魚缸放左好多款式既海鮮，店員好主動推介比我地，全部即撈，保證新鮮。落好單店員幫我地放食物入蒸鍋，較好時間，唔使自己操心火喉問題，招呼週到，竹蝦同生蠔超大隻勁爽甜，龍躉肉好滑，有輕微調味帶出鮮味，肥牛爽嫩有肉味，朋友都讚不絕口，貝類都好厚肉新鮮，肉丸就無咩特別。跟住下半場再食奄仔蟹，呢個係全場主角，睇唔出係勁多蟹糕，每人半隻都夠滋味，正。仲有蟲草花蒸雞好香，菜就蒸完都係乾左d，到甜品雙色馬拉糕好香甜軟綿綿，唔錯，可惜分量偏少。食都後其實已經好飽喇，不過一定要食埋最後個精華粥底，落左南瓜排骨，仲有海鮮鮮味，肚子太飽了，食得半碗就投降了，飽飽。埋單每人800蚊度既消費，真係比其他地方偏高，不過服務同食物水準都係超班，性價比黎講都係合理既。