Video
Read full review
2006-10-20
3 views
想試呢間屯門豪裝中菜好耐,今個星期終於付諸行動,唔係得個講字。地點似乎有d吊腳,其實都有輕鐵經過,只不過我地豪到底,打的去也!!由樓下望上去已經見到好幾盞華麗水晶吊燈,真係幾得bor!!扶手電梯未上到,知客小姐已經出黎迎賓,由於訂位關係,坐係超正卡位,毛毛cushion好軟熟,舒服!!每檯上面都有一盞水晶吊燈,型爆!!點左鐵觀音,茶味好香好滑,最特別係用個金屬架加粒votive candle暖住壺茶,細心!南海小炒皇:九菜花超鮮嫩,清甜無渣,好正!!另外仲有乾魷魚、大蝦乾、炸魚仔同大腰果;呢味好香口,炒得好有鑊氣,蝦乾好好食!!雲吞咕嚕肉:咕嚕肉好脆,食到最後都脆,勁!!我同大人覺得呢度用豬頸肉黎做,因為d豬肉好爽口;脆漿好薄,酸甜汁好好味,加上鮮菠蘿一齊炒,我覺得呢個係我暫時食過最好食既咕嚕肉;至於雲吞就有少少取巧,只係炸雲吞皮囉。鮮百合炒雜菌:材料有鮮百合、蜜糖豆、西芹、日本本菇、雞髀菇;內容豐富但份量較細,不過的確係貴精不貴多,炒得好香。圍村必食煎泥鴨:一上檯就聞到好香酒味,原來係來自南乳汁,真係好惹味,呢味菜用黎送飯一流!!鴨仔細細都有少少肉,加上南乳汁已經好惹味,再加上鴨肉稍
扶手電梯未上到,知客小姐已經出黎迎賓,由於訂位關係,坐係超正卡位,毛毛cushion好軟熟,舒服!!每檯上面都有一盞水晶吊燈,型爆!!
點左鐵觀音,茶味好香好滑,最特別係用個金屬架加粒votive candle暖住壺茶,細心!
南海小炒皇:九菜花超鮮嫩,清甜無渣,好正!!另外仲有乾魷魚、大蝦乾、炸魚仔同大腰果;呢味好香口,炒得好有鑊氣,蝦乾好好食!!
雲吞咕嚕肉:咕嚕肉好脆,食到最後都脆,勁!!我同大人覺得呢度用豬頸肉黎做,因為d豬肉好爽口;脆漿好薄,酸甜汁好好味,加上鮮菠蘿一齊炒,我覺得呢個係我暫時食過最好食既咕嚕肉;至於雲吞就有少少取巧,只係炸雲吞皮囉。
鮮百合炒雜菌:材料有鮮百合、蜜糖豆、西芹、日本本菇、雞髀菇;內容豐富但份量較細,不過的確係貴精不貴多,炒得好香。
圍村必食煎泥鴨:一上檯就聞到好香酒味,原來係來自南乳汁,真係好惹味,呢味菜用黎送飯一流!!鴨仔細細都有少少肉,加上南乳汁已經好惹味,再加上鴨肉稍為煎香就更加香口,又係好食。
千歲壽桃:貪得意之作,大大個白蓮蓉包唔係好甜,蛋黃漏油,食完飽到上頭殼頂!!不過都要打包半打返屋企做早餐。
蛋撻仔、桂花糕、楊枝甘露:呢幾樣甜品係送既,初初以為送其中一樣,點知傳菜姐姐送左每款一樣黎,真係未試過食餐飯送幾樣甜品咁勁lu!! 蛋撻仔無食,但聞到香氣撲鼻,應該係新鮮焗起;桂花糕外表晶瑩剔透,好濃桂花香味,大人食到lam lam脷;楊枝甘露好正,芒果好甜,用上紅肉柚子,又係甜,好過好多甜品店,好得。
我同大人對呢間食店好滿意,食品真係好得手,雖然價錢比較貴,但物有所值;服務方面,侍應小姐/知客小姐都會同客人交流一下,呢方面真係幾好。
下次要試下飲茶,睇下點心方面有無小菜咁得手!
Post
