豪隍點心 (Closed)

中秋節返半日收工，趕上1430前食午市套餐同點心。飲茶依到先見過有玄米茶，唔知係咪尖沙咀多遊行。連餐牌都有中英日韓，勁prof！全日免加一。墨西哥叉燒包 $27一隻焗得重手左，但都食得酥脆墨西哥酥皮。入面叉燒3肥7瘦，甜度剛好。包底都係帶d脆，可以邊到墨西哥酥邊。豪隍雞中翼湯米線 + 四季灼時蔬 $46米線上湯好濃，韭黃外仲有d枝竹，米線大碗share。雞中翼係炸南乳，正！一開始以為豪隍係豪皇雞翼，點知係南乳炸雞翼，可以再食！外超脆，內白肥肥。魚肚四寶雞扎 $33比較少油，唔會太多油係碟。魚肚好入味，兩件仔！雞件都大大地，腐皮包火腿雞件，又豆味又肉香。鮑魚雞絲腸 $35見佢腸粉有銀獎，叫多個。黃沙豬膶腸 $29豬膶好重本，實到似食馬豆糕咁。豬膶無腥，處理好。重味過鮑魚雞絲腸。鮮蝦腐皮卷 $32 炸物一定唔會差，蝦肉緊實腐皮薄脆。蜂蜜柚子茶 $19朋友唔好茶葉，就叫左。都唔欣賞我喜歡既玄米茶既！佢無混下飲，飲到一半發現好重柚子甜，笑左，哈哈！