豪隍點心 (Closed)

在尖沙咀想找到點心專心店已經不太容易，找了2-3間都已經結業了。好不容易找到這一家。剛好有一桌空桌，所以就不用等位子直接入座了。 坐下一看，店內裝修簡約，走西餐廳格局，更設不少卡位。而且有30年點心製作經驗，鍾師傅曾在華商會所，帝都酒店，英皇駿景酒店工作。拿起餐牌就看到鵪鶉蛋燒賣就立馬點了，因為在小時候有吃過。之後就沒再吃過了，是最近電視有播出之後才開始陸續有店舖推出。所以看到有當然要點來試試看啦~~ 除此之外，我們還有點很多其他的點心。例如：煎蘿蔔榚，蝦餃、煎釀茄子、小籠包、燒賣、腐竹卷、黑椒牛肚等等。 真的是太久沒有吃到點心了，所以都覺得很好吃。而且這家點很好喔~餐牌會有英文，韓文跟日文。 但是我們還是吃不完，所以下次2人去吃的時候要留意點菜的量喔~~ 

在厚福街一間不顯眼的店舖，「豪隍點心」是一間點心茶餐廳，不用上茶樓都可以嘆到，一盅兩件與水滾茶靚。瀏覽點心紙看見點心種類繁多，午市套餐供應有蒸飯和米線，一個飯或米線配搭一個點心或甜品，價錢是$45/$46，抵食！我們選擇蜜餞豬頸肉湯米線和椒鹽小排骨湯米線，配搭凍香芒布丁、鮮竹牛肉球，兩位茶共$14，免加一小費。米線分量不少還伴有菜心與腐竹，蜜餞豬頸肉香脆帶微甜，椒鹽小排骨則脆口，略嫌炸得乾身。點心是即時製作，送到出檯面的山竹牛肉熱氣騰騰，牛肉很彈滑，有爽甜馬蹄碎、芫茜和葱，味道頗不錯。粒另一款米線配搭揀甜品~凍香芒布丁，有點兒驚喜，除了芒果布丁還有爆珠。看見店鋪牆壁上貼上得獎點心海報，今次午餐吃得很飽，留待下次再試吧！

尖沙咀厚福街不嬲都係好多好野食～今次黎到食點心，酒店星級名廚主理，味道確係好食過普通酒樓，價錢叫做坐落旺區黎講都中規中矩。是此幫襯可惜係試唔到佢既招牌蒜蓉芝士鮮蝦長春卷，同埋腸粉、包（無辦法～我個胃試唔到太多），如果有親戚朋友外地番黎係可以帶佢地去試試～但如果單單想飲茶既話，我未必會特登為佢而出黎食🤔 所以感覺佢係做旅客生意居多，因為店內除左中文餐牌，仲有英文、日文、韓文😂..評分推介排名既先後..🥰必點精選.💁🏻‍♀️蝦餃 （兩粒）$23 - 足料，蝦好彈牙.💁🏻‍♀️燒賣（兩粒）$23.💁🏻‍♀️鳳爪排骨飯 （$33）- 好足料，排骨超超超多，肉香都渗入D飯到，好香，可惜飯有偏軟，如果硬少少就perfect，佢有個午市套餐，一個飯配一個點心$45 ～lunch 唔錯既又想坐低食個排骨飯 都係唔錯既選擇.💁🏻‍♀️鵪鶉蛋燒賣 （3粒）$29 - 懷舊點心，未試過可以試試..👌不過不失.👌沙律明蝦角 $33 - 雖然蝦都係彈牙，但炸得有少少耐，皮偏硬.👌豉汁蒸鳳爪 $24 - 佢既鳳爪係有嚼勁，都入味，可惜小編就喜歡好腍，唔洗咬就lur到骨個種～.👌高湯鮮竹卷 $23 - 蔬菜配料好足料失望之

朋友好鍾意食點心，中式食品，佢就推介我哋一齊去呢一間豪隍點心飲茶啦。因為係疫症期間去嘅，所以人流唔算多，亦都要分隔坐。佢有好多卡位，坐得都舒服。我哋就用點心紙去落單，店員亦推介我哋試以下呢一啲點心。豪隍蝦餃皇兩粒 $23（廚師推介 低卡路里）佢好大隻蝦 心心眼😍蝦仁燒賣皇兩粒 $23（廚師推介 需等候15分鐘）大大粒 正！和風鰻魚腸 $36（廚師推介）有四條 上面有鰻魚燒汁 入面真係有一條鰻魚 貨真價實魚肚四寶雞扎 $33（廚師推介 需等候15分鐘）好大份，好足料！鮑魚雞絲腸 $37（廚師極力推介）食嘅時候其實唔係好覺得有鮑魚，但就有雞絲。我估佢係用咗素鮑魚。上海小籠包 $32 有四粒 每粒都好juicy啊！一人兩粒岩岩好！

本身想去飲茶飲茶行到去門口發覺好似變咗點心放題唔係好餓嘅我哋轉戰左去厚福街但係仍然都係想食點心試下呢間啦話免加一舖頭大約坐四五十人左右食飯時間都冇乜人得一兩檯客洗杯嗰時發現杯底勁多污跡可能杯底太深太難洗之後換左隻膠杯都係好油湄公河蝦腸唔知啲蝦係咪真係響湄公河黎但都算彈牙腸粉唔夠滑魚肚四寶雞紮食落唔似魚肚似豬皮芋頭冇炸過普通貨色仲有食左蝦餃（兩粒）燒賣（兩粒）不過今日個重點唔響野食度野食水準一般但係服務態度差到極點通常我食飯四人卡位都習慣坐埋同一邊係你間餐廳係有寫明繁忙時段要搭枱你安排兩個情侶坐喺我哋對面我哋都冇嘢講但係人哋覺得你成間餐廳都係吉嘅人地又拎住幾袋野點解仲要人搭枱呢佢地未唔食走左去囉你走過黎同我大聲講先生呢度係要搭檯又有乜意義又唔係我唔比佢搭你搵我出氣做乜之後又有兩個女性因爲咁嘅原因唔食如事者一餐飯走左四個人我開始明白點解你間鋪唔收加一服務費

服務唔錯， 即使果日全場幾full，d service 一d都唔慢， 上菜都一直keep 住上。食物我地唔係叫set ， 叫左單點。 有蝦餃、燒賣、生煎包、芋頭春卷、珍珠雞同鳯爪排骨飯。蝦餃同芋頭春卷有驚喜。蝦餃係原隻大蝦又彈牙，皮又薄。春卷佢地炸得一d都吱唔油，仲要個皮厚薄都啱啱好，值得一試。生煎包佢個味道同包嘅口感都好好，但係包皮略嫌佢厚，薄少少會俾到10分滿分。珍珠雞同鳯爪排骨飯個飯同d餸都好好食，但係中間嘅餸可以再多d。因為我感覺上有97%都係飯， 3%係餸。燒賣就應真要改進下，唔係幾好食，但係做得有成意。 Overall味道都ok , 可以下次再翻炒試下其他野食。

超好食既點心！蒜蓉芝士鮮蝦春卷真係勁好食，抵佢賣$37咁貴！即炸勁脆，入面d鮮蝦好滑，芝士同蒜蓉原來咁夾，得3條真係唔夠食！墨西哥叉燒包又係好食到癲，表面脆卜卜，入面勁足料，$27 3個包食到好鬼飽！蝦餃燒賣皇都好出色，大件，熱辣辣，d 肉質全部都係好嫩滑，實在可一可再！鐘意食茄子既就記得叫紅油釀茄子，出色，好味！特別推介係告風鰻魚腸，冇諗過日式野可以擺落腸粉到，仲要幾夾幾好好食，相當新鮮！

終於正正經經返份長工，我真係老懷安慰，雖然每個月仍然要資助資助，不過情況點都較以前好啦。專程老遠走到尖沙咀跟您撐撐枱腳鼓勵一下，返工當然辛苦，加油加油！新界天氣冷，要去較暖城市地方。恤完個靚髮專程到訪嘆個靚茶，豪隍點心質高真心不容置疑，不過最好食最頂級點心始終非已榮休的銅鑼灣曉廚軒莫屬！高級酒店質素，最少都有米芝連 1 星評價。前面有三條大陸友等位，我獨自一個照行入去查詢問問，老闆居然回應要求我出門口等？真係大膽！要等位我即閃去食碗麵舒舒服服醫肚，好過係街邊污煙漳氣罰企啦！誰知老闆衝出黎老遠嚷著，先生有位喇！見您盛意拳拳，好啦好啦。大媽優先？點解兩個自由行可以坐四人檯呀？我兩個就要迫係角落頭二人迷你檯？我堅係頭頂出煙著晒火，全程黑臉縐眉頭。收銀叔叔唔理，侍應妹妹唔理，直到點完菜，女皇見我情緒失控，所以主動跟四眼叔叔話十幾個點心可否轉張大檯呀？終於安排我地轉梳化卡位，我團怨火先慢慢熄滅！多國語言的點菜紙，中英韓文都有，遊客區係有所不同。餐牌顯示那個溫泉蛋牛肉飯使我心有戚戚焉，機會黎既時候一定要試試。叉燒腸粉，設置整齊得體送到，靚靚仔仔。雖然粉皮略厚，勝在叉燒份量多，嚥韌香甜滲肉汁，不過咸

厚福街是到尖沙咀吃晚飯的好選擇，很多餐廳都試過了，今日就試這間豪隍點心。不過其實十年八年前曾和朋友來吃過一次，味道忘記了。玄米茶 - 第一個驚喜！⭐️點心店竟然提供的不是普洱，而是玄米茶，可惜我不能喝。🙈墨西哥叉燒包 - 墨西哥包很香口，叉燒亦不會有色素太過的問題，好吃！蝦仁燒賣皇 - 只有兩粒，驚喜了吧😂！味道可以。小籠包 - 皮太厚！不夠juicy！可能皮佔用空間太多，所以沒有爆汁的效果。豬肉味道ok。鳳爪排骨飯 - 第三個驚喜！這次是真的驚喜！⭐️第一口吃飯，就覺得「怎麼這樣好吃！」再吃排骨，很淋很好味，肥瘦適中，有連骨，我想飯是沾上了排骨肉汁，所以味道超好！鳳爪都ok，不會過份染色（有的酒樓染到鮮橙色，得嚇人）。

回想當年在尖沙咀工作,係附近返工,最常黎食就係呢間豪隍點心估唔到係呢條街留得最耐係佢水準唔錯,價錢唔太貴,估唔到近年仲嬴過點心獎久別多年,連以前做野既美女店員都走埋佢午市有套餐供應  $45起有蒸飯,6款,煎蛋牛肉,排骨飯,肉餅,滑雞,另有米線一個飯或米線,配一個點心 $45/$46,ok抵食點心都有12款選擇~個人最鐘意食牛肉球呢~點心都係即時製作,以前最出名仲有鮮蝦長春卷點心款式多,有xo醬金錢肚都係好食既,仲有招牌蝦餃皇 單價唔貴 平均一粒都係$11左右~估唔到沒有點加價!!仲有即拉腸粉~最貴一款都係36蚊,鮑魚雞絲腸粉腸粉夠薄身,味道唔會太濃味,有米香,蝦餃夠彈牙爽甜

中秋節返半日收工，趕上1430前食午市套餐同點心。飲茶依到先見過有玄米茶，唔知係咪尖沙咀多遊行。連餐牌都有中英日韓，勁prof！全日免加一。墨西哥叉燒包 $27一隻焗得重手左，但都食得酥脆墨西哥酥皮。入面叉燒3肥7瘦，甜度剛好。包底都係帶d脆，可以邊到墨西哥酥邊。豪隍雞中翼湯米線 + 四季灼時蔬 $46米線上湯好濃，韭黃外仲有d枝竹，米線大碗share。雞中翼係炸南乳，正！一開始以為豪隍係豪皇雞翼，點知係南乳炸雞翼，可以再食！外超脆，內白肥肥。魚肚四寶雞扎 $33比較少油，唔會太多油係碟。魚肚好入味，兩件仔！雞件都大大地，腐皮包火腿雞件，又豆味又肉香。鮑魚雞絲腸 $35見佢腸粉有銀獎，叫多個。黃沙豬膶腸 $29豬膶好重本，實到似食馬豆糕咁。豬膶無腥，處理好。重味過鮑魚雞絲腸。鮮蝦腐皮卷 $32 炸物一定唔會差，蝦肉緊實腐皮薄脆。蜂蜜柚子茶 $19朋友唔好茶葉，就叫左。都唔欣賞我喜歡既玄米茶既！佢無混下飲，飲到一半發現好重柚子甜，笑左，哈哈！

點心的款式都很多，令人眼花撩亂，午市更有蒸飯或米線或腸粉套餐，都是四十元起，每位茶錢$7。我們點了一個午市套餐，鳳爪排骨飯加煎蛋配潮州粉果，套餐加$12可以有兩粒蝦餃，比散叫平了一半。鳳爪排骨飯加煎蛋排骨飯是一人份量，排骨都幾多，煎蛋還帶流心狀，整體都幾爽口。潮州粉果一籠四粒，裏面有花生、粉葛等餡料，非常豐富。蝦餃蝦餃皮晶瑩剔透，裏面有大大隻的蝦肉，新鮮彈牙。燒賣表面放了原隻蝦肉，豬肉餡料不會太多肥膏。小籠包外皮比較厚，湯汁不算多，味道比較一般。蒜蓉芝士鮮蝦長春卷春卷炸得香脆，裏面有粒粒蝦肉及半溶芝士汁，十分好吃，還配青瓜中和油膩感。墨西哥叉燒包有很香的牛油味，新鮮熱辣，表面鬆脆，裏面的叉燒餡帶點甜香，肥膏不多。

記得數年前來過，以當時物價相比，覺得這茶館價錢高企，吃個點心也要二三十元(當年街外一個鳳爪排骨飯19蚊，車仔麵三餸23蚊)但經過數年，附近食肆都跟隨通脹，反而只有這茶館沒加，更成為街上其中一間最抵食之一🤣🤣🤣。午市套餐，一個蒸飯配點心也是45元，而大多數點心價格也是廿多元，2個人吃，只需一套餐加多個點心已經好飽了。雖然套餐加6蚊有凍豆漿，但小薯不order飲品都足夠了，因為附贈的壺茶，由多種茶葉混合泡成，很香，帶有淡淡香片味，細心品嘗，還有炒玄米的味道。

這家點心店很細心，除了餐牌圖文並茂外，點心紙更設有中英日韓4 款語言，十分方便旅客點餐。餐牌款式都頗多，除了大路的蒸點，還有蒸飯，米線提供，更有一些新派點心。豪隍蝦餃皇 2隻，$22, 雖然價錢比較貴，但皮薄通透，蝦肉鮮爽，比一般冰鮮蝦有彈性。腸粉點了廚師推介又是得獎菜的鮑魚雞絲腸，雖然没有真鮑魚，但腸粉皮薄，米味比較重，入口滑lulu,  配上自家製甜醬油。潮洲粉果，皮薄，餡料爆滿，必定要配辣椒油。高湯鮮竹卷，最鐘意腐皮吸晒上湯的味道。食完比較油膩的點心，要食碟清清地的菜，菜的款式没有得選擇，今晚是菜心，想食得健康一點，可要求走油，餐廳都樂意去做。最後還清清地點了一碗魚旦米線，真的很清淡，没有賣相，如果加上葱花，我相信賣相會加分的，味道一樣清淡，魚旦尚算爽彈。茶芥收費6pm前每位$7元，6pm後每位$9元 (只提供一款日本玄米茶或選擇喝熱水), 有加一服務費。

當豪隍點心觀塘分店新開張的時候屋企人已經試過啦幫襯完第一次之後話好食之後仲keep住去今次輪到試尖沙咀分店坐低發覺原來有兩款點心係得過獎㗎什麼世界粵菜廚皇大獎即刻諗起周星馳「食神」入面啲菜式係威係勢咁就試下啦瑤柱雙脆餃顧名思義 餃皮包住兩隻爽脆的蝦上面毫不吝嗇地鋪著瑤柱絲餃皮比一般坊間的堅韌比一般的蝦餃做得更出色第二款得獎作品是鮮芒拉蝦盞第一口咬下去是脆、脆 、脆炸過的皮入面包著的是蝦上面鋪著鮮甜的芒果加上沙律醬和杏仁口感有脆，有爽，有甜，層次豐富老實說我沒有試過牛肉球因為愛好牛肉球的家人 很快便把它清光了家人亦大讚這款鳳爪排骨飯排骨分量多之餘飯亦蒸得很香，很飽滿椒鹽小排骨米線米線正常但小排骨做得很香脆豬膶腸粉都ok嘅最後要讚一下的是餐廳服務員的態度除了主動為我們添茶水之外我亦見到服務員主動為其他客人調校冷氣都幾細心㗎