Video
Read full review
2017-10-04
129 views
下午嘅堂因為中秋節而取消，lunch時間變得相當充裕，所以約咗中同食lunch~星期一至五午市做semi-buffet，選一款main，配湯同冷/熱飲品，salad/cold cut/dessert任食。亦可以$68親民價，唔叫main淨食buffet。咁計落兩三個唔大食嘅friends叫個飯/意粉mains分食亦好抵。有得淨食salad buffet，就知呢度嘅appetizer唔會好似一般buffet/任食火鍋咁求其放啲菜就算。單係菜類就有四款，肉類有火腿同salami。醬汁方面有黑醋同橄欖油，而我就強列推介各位喺配料區揀黑醋蕃茄，再加少少汁。醋加埋蕃茄兩種酸味混和更有層次，推介~唔少cold cut/小食賣相精緻，唔係切好就拎出嚟，可見廚師十分認真。總共三款鹹撻，煙三文魚款式更係配牛油果醬，撻皮其實係焗薄脆，食落輕盈。食完main餐廳又再添salad bar。多咗款mozzarella粒配車厘茄。但我都係比較鍾意將一片mozzarella放喺大蕃茄片嗰款~menu冇寫送餐湯。呢個湯同樣高質，濃濃茄香，先是鮮茄酸味，湯滑入舌根後就嚐到忌廉油脂香。湯稠身，且有淡淡薯仔香，配上意式香草
星期一至五午市做semi-buffet，選一款main，配湯同冷/熱飲品，salad/cold cut/dessert任食。亦可以$68親民價，唔叫main淨食buffet。咁計落兩三個唔大食嘅friends叫個飯/意粉mains分食亦好抵。
有得淨食salad buffet，就知呢度嘅appetizer唔會好似一般buffet/任食火鍋咁求其放啲菜就算。單係菜類就有四款，肉類有火腿同salami。
醬汁方面有黑醋同橄欖油，而我就強列推介各位喺配料區揀黑醋蕃茄，再加少少汁。醋加埋蕃茄兩種酸味混和更有層次，推介~
唔少cold cut/小食賣相精緻，唔係切好就拎出嚟，可見廚師十分認真。
總共三款鹹撻，煙三文魚款式更係配牛油果醬，撻皮其實係焗薄脆，食落輕盈。
食完main餐廳又再添salad bar。多咗款mozzarella粒配車厘茄。但我都係比較鍾意將一片mozzarella放喺大蕃茄片嗰款~
menu冇寫送餐湯。呢個湯同樣高質，濃濃茄香，先是鮮茄酸味，湯滑入舌根後就嚐到忌廉油脂香。
湯稠身，且有淡淡薯仔香，配上意式香草蕃茄乾麵包，酸溜溜咁，十分開胃。
香煎紅鯛魚柳配檸檬刁草汁 ($108)
香煎紅鯛魚柳配檸檬刁草汁
$108
2 views
0 likes
0 comments
魚皮泛著橘紅，肉色雪白。
魚皮香脆，魚肉嫰滑。檸檬刁草汁味道清新，唔會搶咗魚味。
燒紐西蘭羊扒配芥茉汁
$118
4 views
0 likes
0 comments
賣相精緻。
外皮撒上鹽巴，夾住油脂，香脆可口。羊肉唔羶，但充滿羊脂香。如果再生少少就perfect~
羊肉唔太肥，配比較rich嘅mustard都幾夾，但我就鍾意用魚柳嘅刁草汁配羊，味道會更有層次。
咖啡係movenpick出品。雖然食過佢嘅雪糕覺得名過於實，太重cream令雪糕唔冰凍冇奶香，但咖啡質素唔錯。表面嘅金色咖啡油脂幾幼滑，唔落奶都OK~餐廳座位寬闊，店員親切有禮，不停添水、收碟，整體感覺唔錯~
Other Info. :
加一服務費
(The above review is the personal opinion of a user which does not represent OpenRice's point of view.)
Post
