富臨皇宮 (Closed)

新年好多食評未寫，其實團年飯食咗好多餐，呢餐就同老婆嘅屋企人一齊食！由於有人中咗獎，請食飯，所以我哋食好啲！有龍蝦、有雞煲翅正！我哋搵咗一隻好大隻嘅龍蝦整咗呢個芝士伊面，芝士味非常之濃，我哋嗰個食到好飽，差啲都食唔晒！我最鍾意食翅，呢個濃湯雞煲翅，要＄480，我哋個個食到爽yy！仲有富臨最出名嘅燒鵝，呢個燒鵝唔會太肥，我識就剛剛好！仲有蒜蓉蒸扇貝，精華集在粉絲中！但埋單都幾貴，貴在隻龍蝦，比我選擇多次，我寧願拎隻龍蝦上湯伊面，更加食到佢嘅新鮮！同埋呢度嘅經理都幾小氣，食咗成＄4000野，叫佢俾啲靚啲嘅甜品，都唔願意比，之前其他分店都肯，又去其他分店度食啦！