Video
Read full review
2017-12-20
2431 views
十二月當然要食聖誕大餐啦同一位都捨得食嘅好友去左試TOSCARitz carlton我之前試過Café 103 同天龍軒都有美好經驗所以都相信這間會不錯 我地叫左Set Dinner – 4 courses 餐前包佢會俾2款橄欖油你點面包食完全唔記得2款油嘅名只記得一款濃味一點, 一款冇咁濃味我個人唔好橄欖嘅味道而我朋友食開淡味所以我地都係要左淡味不過我都覺得好濃味唔好再講油, 講番包我見餐前包都係大家推薦食物我地每款都有試那個薄薄的濃濃芝士脆餅真係好好好好食當佢地俾第2籃包我地時其實我地都飽到只係食得落呢個脆餅我地仲好想問佢要走打包架 4小口前菜MENU冇寫既侍應介紹只講英文, 背默唔番出黎, 自行改名如下一人個小咸魚多士:多士好脆風乾火腿:甘香的, 終於明白不應該死咸的米餅+忌廉芝士:脆身, 唔膩蕃茄湯:濃到就像蕃茄醬般 Cauliflower variations with black truffle椰菜花‧黑松露分別有生熟的椰菜花上面放左一堆切到好似果皮既黑松露生嘅椰菜花當然爽口, 亦有青草味熟嘅椰菜花就煮得好入味, 好好食個醬超好味, 我仲用未食晒嘅餐包將碟抹得乾乾淨淨 Be
同一位都捨得食嘅好友去左試TOSCA
Ritz carlton我之前試過Café 103 同天龍軒
都有美好經驗
所以都相信這間會不錯
我地叫左Set Dinner – 4 courses
餐前包佢會俾2款橄欖油你點面包食
完全唔記得2款油嘅名
只記得一款濃味一點, 一款冇咁濃味
我個人唔好橄欖嘅味道
而我朋友食開淡味
所以我地都係要左淡味
不過我都覺得好濃味
唔好再講油, 講番包
我見餐前包都係大家推薦食物
我地每款都有試
那個薄薄的濃濃芝士脆餅真係好好好好食
當佢地俾第2籃包我地時
其實我地都飽到只係食得落呢個脆餅
我地仲好想問佢要走打包架
4小口前菜MENU冇寫既
侍應介紹只講英文, 背默唔番出黎, 自行改名如下
一人個小咸魚多士:多士好脆
風乾火腿:甘香的, 終於明白不應該死咸的
米餅+忌廉芝士:脆身, 唔膩
蕃茄湯:濃到就像蕃茄醬般
Cauliflower variations with black truffle椰菜花‧黑松露
分別有生熟的椰菜花
上面放左一堆切到好似果皮既黑松露
生嘅椰菜花當然爽口, 亦有青草味
熟嘅椰菜花就煮得好入味, 好好食
個醬超好味, 我仲用未食晒嘅餐包將碟抹得乾乾淨淨
Beef agnolotti with 24-month aged Parmigiano Reggiano牛肉餛飩‧巴馬臣芝士
餛飩皮俾我地想像中硬身
但都好味道
Parmigiano gnocchi, chicken ragù and horseradish巴馬臣芝士麵糰‧雞肉醬‧辣根
因為友人盡量唔食牛
所以轉左呢個COURSE
麵糰好似一粒粒湯圓
基本上係食緊咸味湯圓般
但其實沒有辣味的
Turbot, fregola, mussels and “mollicata Pugliese”多寶魚‧珍珠麵‧青口‧麵包糠
魚好結實, 切開都冇散
好彈牙的口感
青口富有海水味……即係比較咸嘅
Pork neck, puntarelle and hazelnut sauce豬頸肉‧菊苣‧榛子汁
這個豬頸肉並不是平時泰國店食到既豬頸肉質地
像豬柳的感覺
但一定要連埋榛子汁食
要不我覺得豬自身的[蘇]味會比較濃
另外在上面的那粒榛子超好味呢
Tosca’s Sicilian cassata西西里雜果芝士蛋糕
因為用左香橙糖, 所以好香果味
另外亦沒有芝士的濟濟感覺
Tiramisù with mascarpone gelato提拉米蘇‧芝士雪糕
其中一份我地要求改為TIRAMISU
我地覺得食得意大利餐廳
冇理由唔食呢個意大利甜品
芝士好滑, 底有充滿咖啡味的脆餅
好好食
餐後小甜品香蕉蛋糕:上面有一粒好脆的合桃
栗子撻:反而呢個冇咩特別
朱古力:中間有香橙味的酒心, 一咬開就酸酸的
餐飲我地一杯檸水, 一杯檸茶
可以想像都我地有幾飽啦
檸茶好香架, 係好香既Earl grey
我好後悔就咁叫檸水囉
我地由7點坐到11點
係我實在太眼瞓先叫走
所以一定可以係坐得好耐既餐廳
間中豪下呢度係好選擇
Post
