Video
Read full review
2018-11-09
3638 views
終於有糧出當然要去食餐好嘅慶祝下，選擇困難症諗完又諗，最後朋友定左係澳門逸園中心搵一間食，咁決定食邊間就由我話事俾浜燒海鮮吸引左黎呢間，一入門口就見到大大個魚缸同游緊水嘅海產，裝修令人諗起日本家庭式小店，感覺溫馨。被安排坐係吧位，可以望到師傅處理海鮮，旁邊又有店員幫手燒，呢個位我鐘意！沙律有牛油果好驚喜，平目魚邊嘅油脂好香，拌住清新嘅沙津菜好夾。店員極力推薦龍蝦刺身，可以試到龍蝦活刺身同蝦頭甲羅燒兩食。睇到師傅處理龍蝦手法極純熟，而且擺盤非常靚。刺身咬落爽口清甜，個人覺得唔加醬油已經非常鮮味。牛舌同樣係店員推薦，表層好有彈性，中心保持到濕潤柔軟，醬汁味道岩岩好，應該係香港食過最好味嘅牛舌！黎呢度當然要試浜燒，加錢可以食活帆立貝，講明慶祝梗係食豪D。鮑魚放上爐個陣仲識郁，夠新鮮所以肉質好彈牙；蟹腳同期待一樣非常鮮甜。蠔放入清酒一齊燒，鮮味濃郁，我地要求唔好燒的太熟，所以口感好creamy。帆立貝可以揀清酒煮或加香草牛油，牛油同香草將帆立貝嘅鮮味帶哂出黎，好惹味，同埋加錢轉活帆立貝好值，無論肉質同甜味都冇得頂。比較濃味嘅蝦頭甲羅燒做壓軸，將龍蝦尾上淨餘嘅肉燒熟，剪碎再放入預先炒過嘅味噌蝦膏
俾浜燒海鮮吸引左黎呢間，一入門口就見到大大個魚缸同游緊水嘅海產，裝修令人諗起日本家庭式小店，感覺溫馨。
被安排坐係吧位，可以望到師傅處理海鮮，旁邊又有店員幫手燒，呢個位我鐘意！
沙律有牛油果好驚喜，平目魚邊嘅油脂好香，拌住清新嘅沙津菜好夾。
店員極力推薦龍蝦刺身，可以試到龍蝦活刺身同蝦頭甲羅燒兩食。
睇到師傅處理龍蝦手法極純熟，而且擺盤非常靚。刺身咬落爽口清甜，個人覺得唔加醬油已經非常鮮味。
牛舌同樣係店員推薦，表層好有彈性，中心保持到濕潤柔軟，醬汁味道岩岩好，應該係香港食過最好味嘅牛舌！
黎呢度當然要試浜燒，加錢可以食活帆立貝，講明慶祝梗係食豪D。
鮑魚放上爐個陣仲識郁，夠新鮮所以肉質好彈牙；蟹腳同期待一樣非常鮮甜。
蠔放入清酒一齊燒，鮮味濃郁，我地要求唔好燒的太熟，所以口感好creamy。
帆立貝可以揀清酒煮或加香草牛油，牛油同香草將帆立貝嘅鮮味帶哂出黎，好惹味，同埋加錢轉活帆立貝好值，無論肉質同甜味都冇得頂。
比較濃味嘅蝦頭甲羅燒做壓軸，將龍蝦尾上淨餘嘅肉燒熟，剪碎再放入預先炒過嘅味噌蝦膏，再放番上蝦頭用火槍燒，啖啖都係蝦肉嘅鮮同蝦膏嘅甘，用火燒比就咁炒香味再升多級，講真一試難忘！
唔太飲得酒的話非常推薦巨峰味汽酒，清香又唔會過甜。
柚子雪葩酸酸甜甜，仲有微微柚子嘅澀味，做飯後甜品一流。豪食最緊要係食完覺得值，呢餐食得好難忘！
Post
