1178
17
11
| Restaurant: | Toretore Hamayaki |
|---|---|
| Offer: |
Dine and earn miles at this Cathay partner restaurant ! Dine at partner restaurants and earn up to HKD4 = 2 miles as a Cathay member. T&C apply. |
|
Terms & Details:
|
|
|
|
Video
Exit D2, Causeway Bay MTR Station
continue reading
Telephone
52695682
Introduction
Hamayaki means freshly caught fish and seafood and grilled at the beach, Toretore Hamayaki brings this cooking method, and the freshness and taste of seafood to Hong Kong.
continue reading
Opening Hours
Today
12:00 - 15:30
17:30 - 23:00
Mon - Sun
12:00 - 15:30
17:30 - 23:00
Above information is for reference only. Please check details with the restaurant.
About Reward Scheme
Offers
| Restaurant: | Toretore Hamayaki |
|---|---|
| Offer: | Dine at partner restaurants and earn up to HKD4 = 2 miles as a Cathay member. T&C apply. |
|
Terms & Details:
|
|
|
|
嚟到月尾，又係時候食餐好嘅慰勞吓自己啦😙 呢晚嚟到銅鑼灣呢間日式餐廳，主打食新鮮生猛海鮮，一入門口就見到海鮮喺水缸入面游呀游😆 我哋嗌咗signature嘅套餐，入面已經可以食到幾款生猛海鮮👍🏻刺身三點先嚟一份刺身，話明食餐好嘅，我哋就額外加錢升級成為拖羅、金目鯛同埋赤蝦🦐 拖羅唔算係好肥美嗰種，但係冇筋。個人幾鍾意金目鯛嗰種實淨嘅魚肉質感。另外，赤蝦都幾大隻，而且口感彈牙。浜燒♦️波士頓龍蝦浜燒講到主打，一定係呢一份波士頓龍蝦啦，店員喺處理龍蝦之前，又俾我哋睇吓龍蝦嘅size同埋有幾生猛🦞 呢個龍蝦有得揀芝士、蒜蓉牛油、泡菜或者清酒口味，個人覺得較邪惡嘅芝士口味同龍蝦會好夾，所以嗌咗芝士🤣 龍蝦入面都幾多蝦膏，可以望住店員烹煮，整個體驗唔錯😌 再加上大量嘅芝士，真係冇得輸🥰♦️活鮑魚活鮑魚都非常特別，生猛到好似跳舞咁🤣 新鮮煮出嚟真係一啲都唔韌啊，加埋側邊嘅柚子胡椒，鮮味出晒嚟。♦️生蠔呢個生蠔，店員將佢開殻之後都有輕輕喺火爐上面燒吓🦪 生蠔好Creamy，帶點海水味，配少少檸檬汁，更加鮮甜。燒物呢個都有四款選擇，店員就特別同我哋推介伍魚一夜干，話呢一個今日係用馬友魚整成🐟 見到呢一個嘅一夜干原條上，就咁望已經見到佢好脹卜卜，好似都幾厚肉。呢個一夜干燒得好香，魚肉係幾嫩滑，但係唔係好肥膩嗰款。店員又同我哋介紹可以點埋側邊酸酸地嘅醬汁，不過我個人就偏好就咁食個魚肉，因為已經唔錯啦😍白蜆湯呢個白蜆湯一大碗兩個人分享，入面嘅蜆都幾多，蜆肉都幾大粒。湯底就比較清甜，幾鍾意佢唔算好濃味，咁先會食到蜆嘅原汁原味🐚海膽炒飯主食方面，我哋嗌咗海膽炒飯，入面嘅海膽份量都幾多，仲有香菇、紅蘿蔔等等唔搶味嘅配料😆 所以每一啖都有海膽嘅鮮味。甜品♦️藍莓芝士窩夫呢個餐包咗兩款免費嘅甜品，可以揀一款雪糕窩夫。有朱古力、士多啤梨同埋藍莓芝士口味，我哋揀咗藍莓芝士味🫐 窩夫就唔係好香脆嗰款，包住藍莓芝士雪糕食落口唔會咁膩。♦️椰子雪糕另外亦都可以加$10加配特別嘅雪糕或者雪葩。有檸檬雪葩、蘋果雪葩同埋椰子雪糕，椰子雪糕嘅擺盤好特別，係喺半個椰子入面🥥 椰子雪糕嘅味道好香濃，亦都幾Creamy，幾值得加配呢個甜品。呢排有好多人北上消費，但係其實香港亦都有好多值得消費嘅餐廳😗 要好好慶祝都有好多唔同嘅選擇㗎，呢間餐廳都唔錯😎
continue reading
為咗嚟緊個event，呢排 #小秘書 日日做到無停手😅 難得呢晚唔使O.T，梗係要搵埋朋友仔出嚟陪我食餐好嘅，間中都要對 #自己好啲 先得㗎嘛🤭 喺 #銅鑼灣 返工嘅朋友仔，佢話早排試過一間專食 #海鮮浜燒 嘅餐廳「漁獲浜燒」食物同服務都唔錯，咁啱餐廳嘅《龍蝦饗宴》最近做緊promotion🤩 人一世物一世梗係要試吓佢🤤🤤🤤🦀#蟹籽蟹肉沙律沙律菜上淋上特製嘅醬汁，配以鮮味嘅蟹肉、同脹卜卜嘅蟹籽一齊入口，感覺好清新🐟#刺身三點（拖羅、赤蝦、深海池魚） 新鮮嘅魚肉刺身，肉質特別有彈性，赤蝦白裏透紅，簡直係味覺同視覺嘅一個享受🦞龍蝦、#帆立貝浜燒店員先將 #龍蝦、#帆立貝 遞上👀 #小秘書 當然要把握機會餵飽個相機先啦🤭 海鮮清洗過後，店員隨即將食物放到火爐上… 原來唔只有得食，仲有現場示範浜燒實況🔥 令成餐飯頓時都變得好有儀式感❤️ 店員喺肥美嘅帆立貝灑上白酒，令海鮮味更加突出🤤 而龍蝦就用咗三色芝士放上面一齊燒，焦香嘅芝士味道配以龍蝦嘅鮮甜，呢道菜做得相當出色🦀#味噌蟹甲羅燒滿滿嘅蟹膏同蟹肉讓喺蟹蓋裏面，同味噌獨有嘅味道相當配搭🤤 再將大大啖嘅蟹膏放上梳打餅上面，既可以減膩，口感亦變得份外滿足🐮#紐西蘭牛柳嫩滑嘅牛柳肉，肉味濃郁，放上薄薄嘅蒜片，零舍惹味🍜#龍蝦頭味噌湯烏冬師傅將龍蝦頭放入味噌湯裏面熬製，鮮甜嘅湯汁配上昆布同彈牙嘅烏冬，呢個熱食好暖胃、有家嘅感覺 🍮甜品 - 綠茶味嘅小丸子味道唔會太甜，咬落去煙煙韌韌，好有口感餐廳以和式做設計，地方唔算太大，但就充斥着浜燒嘅鮮味🤤 店員同客人有講有笑，氣氛非常溫暖❤️ 唔怪得weekdays佢㗎都咁好生意啦😉📍漁獲浜燒（銅鑼灣）軒尼詩道525號澳門逸園中心18樓
continue reading
星期五Happy Friday! 在銅鑼灣逛完街，與朋友相聚，就來到這家居酒屋。好少見食居酒屋真的成隻生龍蝦放在你的面前給你看，海鮮用料絕對保證新鮮，龍蝦還會逃跑，餐廳環境很舒適，有分開幾個小空間，不會覺得人多好雜，好適合同朋友上來食下嘢，傾下心事。刺身三點三點有三文魚、蝦、油甘魚，肉質柔嫩，脂肪分布均勻，入口滑順，帶有自然的鮮味，蝦咬落好有彈性。波士頓龍蝦龍蝦在烤的過程中還在動，感覺肉質很結實，在烤的過程中已經聞到淡淡的海鮮味。龍蝦上加了非常多芝士，有種濃濃的奶香味，加上新鮮龍蝦的鮮甜海鮮味道，一啖落去，鮮嫩彈牙。發塔紙白蜆湯白蜆在湯中釋放出濃郁的海鮮鮮味，湯底清澈，味道鮮美，食完龍蝦食這個，可以化解芝士的膩感。燒蠔燒蠔保留了蠔的鮮嫩口感，外層微焦，內部仍然多汁，蠔的天然海味與炭火的香氣相結合，清酒的香氣融合進蠔肉中，提升了整個層次感。貴妃蚌貴妃蚌可以有多種不同的做法，這裡用清酒燒，感受海鮮的原汁原味，清酒的醇厚香氣能夠提升貴妃蚌的鮮味，同時平衡了蚌肉的海味。海鮮雜炊雜炊現場即煮，用料非常豐富，包含多種新鮮海鮮，如蝦、貝類、魚片等，米粒吸收了海鮮的鮮味和高湯的精華，味道鮮美，口感滑順。檸檬雪芭整個造型是一個檸檬，有很濃的檸檬的天然香氣和風味，雪芭的質地通常柔滑細膩，入口即化，味道酸酸甜甜，清新爽口。在這裡，能看到店員即場烤食物給你吃，質量能保持最新鮮了。
continue reading
好耐以前有人帶過我嚟食飯，過咗咁多年好多野都變咗，唯獨漁獲浜燒依然好味 😋💭餐廳有自家魚缸，海鮮保證新鮮🌊 Signature Set 有齊刺身、浜燒、湯、飯、甜品，每一項都有勁多 option，一定有你鍾意食嘅野👏🏻🦐 刺身三點有三文魚同蝦已經夠開心，升級的話仲有拖羅/金目鯛/赤蝦！🦞 浜燒口味可選芝士/蒜蓉牛油/泡菜/清酒，波士頓龍蝦一定要用芝士浜燒啦~ 口感鮮甜彈牙，加火槍燒溶芝士極滋味；另外活鮑魚/帆立貝/貴妃蚌/生蠔/馬刀貝/紐西蘭刀貝可六選二，我就點咗清酒生蠔&貴妃蚌，感受海鮮嘅原味！🐟 魚方面都多選擇，白鱔/西京比目魚/燒魚鮫/伍魚一夜干，全部都咁吸引叫人點揀喎... 最後揀燒魚鮫，因為唔係度度有大魚鮫食架，非常嫩滑juicy！🍚 飯類都仲有得揀海鮮炒飯/鰻魚炒飯/海鮮雜炊，我揀嘅鰻魚炒飯有角切鰻魚調味，成碗飯都香噴噴！喜歡的話可以加錢升級海膽炒飯！🍨 白蜆湯清甜，原煲上好多蜆；甜品今日係窩夫三文治，士多啤梨味同芝士藍莓味都推介，升級仲有 椰子雪糕/蘋果雪葩 添！咁多海鮮又有專人燒俾你食 $524/一人前 $988/二人前 性價比幾高架~
continue reading
隔咗好耐無嚟，今次坐吧枱，睇住師傅炮製，胃口都特別好。刺身賣相一流，師傅好有心思放喺擺碟度，赤蝦好大隻，三文魚勁厚身，整體新鮮肥美。波士頓龍蝦浜燒師傅幫手起埋蝦鉗嘅殼，非常貼心。龍蝦鉗好多肉，蝦肉有好香嘅燒烤味。蝦頭有好多蝦膏，芝士味唔會太濃，唔會搶咗龍蝦嘅鮮味。活鮑魚配上柚子胡椒醬，鮑魚燒到有少少焦邊嘅感覺。紐西蘭刀貝師傅只淋上高湯清酒，唔加其他調味，保持刀貝嘅鮮味，刀背肉好肥美，刀貝比想像中大隻好多。伍魚一夜干👍🏻👍🏻係食過最好食嘅一夜干，燒到熟度啱啱好。魚肉好滑，好夾酸汁，好食到停唔到。海鮮雜炊👍🏻😍好足料，每啖都好多海鮮。好似食海鮮粥嘅感覺。味道好清甜，好出色嘅主食。最後嘅甜品係燒焦咗嘅士多啤梨窩夫，口感外脆內軟，有少少焦香嘅味道，非常特別。嘢食嘅賣相和味道都兼顧到，因為食材新鮮，所以唔需要太花巧嘅調味，已經好好食。師傅喺我哋面前燒海鮮和窩夫，啱晒打卡，非常有心思，整體感覺非常深刻。
continue reading