炑八韓烤 (Closed)

同契哥兩個人撐枱腳，佢好豪咁話由佢請，咁我梗係有大食大啦~lol所以叫左個2-3人適用既龍蝦尾套餐，野食非常豐富，而成個餐入面最令我難忘既係呢兩樣野：首先係芝士生蠔，佢地一隻隻好肥美咁放左入個錫紙兜入面，兜底裝左滿滿既芝士，一邊燒，一邊睇住D芝士溶，然後隻生蠔就浸左入去呢個芝士海入面，食既時候生蠔畀芝士重重包圍，入口生蠔仍食到蠔味，同埋新鮮海產味。另外就係想講下個炸醬麵，勁多醬+青瓜絲+彈牙麵條+蛋，簡直係perfect match！