Sixer Burger (Closed)

今日同屋企人去荃灣行街，行咗一日街。見到一間唔起眼嘅漢堡包舖，諗住入去坐一陣。望下個餐牌好多嘢食，就決定坐低食晚餐。 今日行到好攰，要食豪啲。 叫咗一份“海鮮炸籃”裏面有炸蝦、酥炸生蠔、炸魚柳同埋超級好食嘅炸薯條，再來一個龍蝦牛肉漢堡配香草忌廉檸檬汁加18蚊轉餐有炸薯條同嘢飲。炸蝦鬆脆，生蠔好juicy，連埋啲炸魚都好新鮮，炸得啱啱好，無油冧冧嘅感覺，還有不可以不提係炸薯條，超級好食，微微帶有鹹香味，炸得特別鬆脆，連家中長者都讚個不停。龍蝦漢堡有原隻龍蝦尾，新鮮彈牙，又厚肉，一定要用刀叉品嚐， 牛肉漢堡啲肉汁從口角流出，非常多汁， 連啲配菜都好新鮮，令你食個不停。