炊豕店 (威靈頓街) (Closed)

同男友路過見到間幾靚既餐廳，就入去睇下有咩食，發現尼間鋪頭全部都係食豬，而且價錢都合理。而且裝修有種懷舊感覺。餐牌前後中英對照，就算遊客入到鋪頭都可以點餐，係好貼心既設計。「秘製豬扒飯」超大塊的炸豬扒，直情大過個碗，因為即炸，所以都好熱，唔想甘熱氣就放一放涼。店家好貼心甘切開左個豬扒，等大家方便食。豬扒飯底係肉燥汁，用豬肉、醬油同葱煮，送飯一流，可惜個汁唔算多，飯量就超分量。「沖繩豬軟骨飯」好足料既豬軟骨，食極都仲有，豬軟骨熬得好淋身好入味，所以食落好香口，而且個飯底充滿醬汁，好岩汁控。「炸芝麻雞翼」雞翼佈滿七味粉同芝麻，聞落已經好香，咬落好脆口，雞肉好滑，而且七味粉帶點辣味。而且雞翼無炸到乾身，保留到肉汁。「椒鹽魷魚鬚」魷魚鬚預先切細，所以可以一口吃，好貼心。飲品