Porkcentric (Renamed) View

今日特地約埋🐧🐧 buddy 行入大坑🥴 試下依間韻味十足嘅西餐廳🤭 餐廳沿用外國設計，異國風情氣氛濃厚，裝橫簡約又富特色，超啱打卡📍 叫咗兩份BBQ set🫶 內含前菜、主食和甜品一共三道菜，非常豐富抵食🌟 前菜可選是日餐湯、沙律或者肉類冷盤精選😋 🐧🐧 就㨂咗沙律同埋肉類冷盤❤️ 沙律菜勁大盤份量超群，採用嘅菜蔬好新鮮勁爽口，配搭簡單嘅醬料調味，清新又開胃👍 肉類冷盤有三款精選火腿片😋 配搭附上嘅餐包一齊食，油香滿溢，鹹鮮甘美❣️ 主食㨂咗餐廳推薦嘅烤豬手同埋烤八爪魚🤩🌟 豬手仲大隻過🐧🥴 豬皮烤得酥脆鬆化，食落卜卜聲口感好正😋 內裡豬肉好嫩好腍，肉味濃厚但唔會過油過鹹👍 配埋特調蕃茄沙沙醬，多添一分清新滋味😚 跟豬手仲有即炸嘅薯條😍 保證飽肚🤭 烤八爪魚大大條好夠肉地🤤 食落煙韌又彈牙，鮮味出眾，外層烤得微微焦香，超級誘人😋 淋上附有嘅檸檬汁，可令八爪魚嘅鮮奶更突出✅ 是日甜品係蘋果蛋糕😋 蛋糕食落有點類近蘋果批，軟綿嘅蛋糕中夾雜清爽嘅蘋果片，味道甘甜又清香❤️ 表面淋有海鹽焦糖醬，令整體味道層次更豐富🫶