靚煲皇 (Closed)

最近岩岩放大假，梗係要外出搵食啦！天氣熱左,想食下小菜,開胃又開心今日黎左靚煲皇小菜坊,佢地D小菜好似幾正,一於試下先😄🤣同人二人，食小菜要有次序，要由淡味到濃味，否則一早放食濃味小菜，會破壞左其他既味道，每個師傅都有自己既祕製方法，呢間幾好味，聽聞係酒店級大廚，值得一試！乾煸欖菜肉鬆四季豆,煮得好真係難 ,要比例啱啱好否則肉鬆味就會過濃 搶左四季豆嘅味道🤭呢度嘅四季豆做得非常出色 沾滿左肉鬆,入口味道唔錯, 真係忍唔住食左好多干鍋洋蔥胡椒蝦, 一上枱見到 立即嗌左碗白飯🍚 因為聞到超香紅胡椒蝦嘅味道, 一定要送飯呀🤩胡椒蝦好入味,咬落去好脆火焰霸王豬手煲,必點之選,師傅會有表演點火,好似係酒店食緊晚餐呀.豬手好厚肉呀 滿滿嘅骨膠原喔💓炆得好入味 本身好少食豬手 今次都食左唔少呀,好香好正家鄉欖角一口骨, 夏日炎炎,食D香口野一流喔👍🏻入口好香好濃 ,超正呀價錢唔算貴，不過計返我地深夜出沒，有位泊車，有個空曠地方放縱一下，都可以再試！我地坐室內，氣氛唔錯，室外就好似兒時大排擋咁，好有風味。食物都算新鮮。我最欣賞係呢個餐具座，方便，又明顯，咁都用錯公筷的話，就抵打😁