De België (Moved) New Location

前幾日經過中環辨事，無意中俾我發現左一間好有外國風既餐廳。餐廳主打比利時食物，入到餐廳，仲有好濃列既外國味啊，好外國啊。Iberico Ham Gran Reserva $178先叫份西班牙伊比利亞火腿送下啤酒，份量都幾多，飲多幾枝酒都得喎。火腿有兩種，有48個月同60個月，火腿油亮，脂肪和肉既比例岩岩好，而且仲要唔係太鹹，我好怕食太鹹，依個無論鹹度同油香都幾好。旁邊放左壓扁左既脆卜卜欖油包，一齊食就囗感更好啦。Roasted Pork Knuckle $268黎依到既原因，係因為有我最愛既豬手啊。豬手可能即叫即焗，都要等幾耐嫁，建議你一開始就叫餐廳整定好啲啦。豬手超級大份，好多客人都有叫，我地兩個人一隻，我自已一個都食左大半隻啦。豬手肉肉質扎實爽囗，好厚肉地，全部食晒都要咬幾內下嫁，哈哈哈。