莱茵河餐廳 (Closed)

荃灣真係越開越多餐廳，如果想食下西餐，又唔想食連鎖餐廳嘅話，萊茵河都係一個唔錯嘅選擇。主菜未到，先來個黑松露薯條配啤酒。黑松露薯條幾香，不過因為啲黑松露一舊舊，唔係每條薯條都點到，如果配黑松露醬可能會好啲。至於啤酒就類似Apple cider，酒味唔濃。薯條都差唔多食晒，主菜終於來喇。虎蝦蟹肉龍蝦泡沫意粉，賣相幾特別，撥開層泡沫就會見到有好多蟹肉，絕不欺場👍🏼意粉紅紅地色好似蕃茄味咁，不過其實味道係偏甜嘅，我覺得今晚最好食就係呢個意粉👍🏼👍🏼最後主角德國豬手終於出場，侍應見我哋切得好狼狽，仲主動話幫我地拎入廚房切添，真係細心👍🏼豬手配左三個醬，最特別嘅應該係蘋果蓉喇，甜甜地又凍凍地，果然可以令到豬手冇咁油膩。豬手皮都好脆，肉都幾嫩。食物都幾好食，但上菜就慢左啲喇😐