大叻越南牛肉粉餐廳 (蘭杜街) (Moved) New Location

第一日係金鐘食晏，附近食肆唔多，決定叫外賣，同事們食開所以一齊叫呢間，大約30分鐘左右送到。我叫左午餐連埋野飲，一個香茅豬扒飯跟檸底。個飯有豉油跟埋，豬扒份量都幾多，足成塊架，淨食豬扒都有點飽。墊底既椰菜幾甜，主角香茅豬扒調味唔錯不過香茅味唔算出，但對我來講仲好😂食落幾鬆化，個人幾喜歡既。飯上面有d炸乾蔥，比較淋d,可能外賣關係焗淋左。白飯就真心差左dd,因為有部分一pat pat,口感不太好，不過唔係全部都係，尚可啦。總括黎講，可以再食既，始終呢頭選擇真係比較少。