CoCo壹番屋 (荃新天地) (Closed)

最近有個朋友轉左新工，係荃灣返新工，咁啱前幾日本來同佢打算出旺角食飯，但佢要OT多一陣，所以就去佢個邊揾佢食，慳返啲時間。因為佢係近荃灣西站個邊，所以我地就去左荃新天地到食，最近揀左食coco的豬扒飯。雖然coco的吉烈豬扒咖哩蛋包飯未必算好平，都要成七八十蚊一個，不過坐得舒舒服服，都叫可以提供到一個環境坐下，傾下計咁，算唔錯，同埋個咖啡飯味道都ok的。吉烈豬扒方面都算炸得香脆，同埋都幾厚身，無話因為炸而入面太鞋，而且蛋包飯的個塊蛋都煎得好滑，同埋啲咖哩汁都好夠濃同夠多，撈飯好適合月。