阿一豬扒酸辣米綫

Open Now

Now Closed

原本係約左筲箕灣之友去食安利，但朋友見我黎親東大街都獨沽一味，就介紹我試新野！佢話係筲箕灣最出名嘅豬扒酸辣米綫，當然，本住八掛又為食嘅心態，梗係試下啦！lunch time 12:30 已經開始等位，都算快，價錢都算大眾化，$30+ 就有交易。叫左最出名嘅豬扒酸辣米線，果然豬扒真係堅得， 炸得好香口，肉質適中，而且唔算好油，佢件豬扒放湯上嘅，都無浸到碗湯油曬。酸辣 湯底就重辣味，其實我覺得佢係偏麻辣，酸味只係靠湯入面放嘅酸菜。所以，如果好似我依類唔喜歡麻辣嘅人就會覺得個酸辣米線唔岩食。整體黎講， $32 有如此水準都算唔錯啦！