Mela Italian & Spanish Cuisine (Under Renovation)

見到佢寫住16安士厚切豬扒咁吸引，$58 連野飲好似都不錯咁，就一於落order 試下。個豬扒送到黎感覺真係好大塊同好厚，但個表面仲好白，未煎到香口，塊豬扒切落去唔韌，但冇咩汁，食落都幾乾，同埋雪味都幾重，比較唔鐘意佢啲乾香草嘅味，隻味好似係為左加而加，同塊扒唔多夾，建議可以高溫啲煎塊扒同埋醃嘅時候加啲蒜粉或者芥辣。旁邊啲西蘭花，栗米嗰啲都正常，個水果茶都幾好飲。總括黎講雖然有改進空間，但呢個價錢咁大塊都算係咁。