吉豚屋吉列豬扒專門店

Open Now

Now Closed

今日LUNCH出左去旺角食~老公做司機，我享受XD 我地去食日本野，我之前食過一次架啦，不過嗰次係九龍灣，SEARCH到原來旺角都有分店就帶老公去試下啦~ 我迫老公揀左個滑蛋吉烈豬扒飯(竹)，呢個份量應該夠老公食~(因為我自己上次試左好食，所以就叫老公食)，味道同份量都同上次一樣，有成6件豬扒，件件都好大件，要再讚既係真係粉少肉多，啖啖肉無骨，炸皮都係好香口，另一樣要讚就係D洋蔥，滑蛋豬扒飯一般都有少少汁送下飯既，D洋蔥吸收晒D汁，又煮得好林，好好味!我自己今次就食左鐵板吉烈豬扒定食(跟白飯+野菜豚肉湯)，豬扒同個豬扒飯都係一樣咁出色，可能因為我係鐵板，所以KEEP到豬扒既溫度，件件拎上黎都係熱熱的! 另外我就覺得個汁好濃味，又係撈埋洋蔥再撈飯十分正，可惜無乜汁，唔知可唔可以叫佢架呢?野菜豚肉湯第一次飲，平時通常都係飲麵豉湯，但係飲落其實都係麵豉味XD，不過料就真係多，見到有豚肉絲﹑蘿白﹑洋蔥等，全部都好林身，直頭唔使點咬添!不過大家都係豬扒飯，加多$10有個湯都值既!