川味坊 (中海日升中心) (Closed)

以前返工返觀塘海濱嗰頭已經食過幾次, 佢個豬扒撈米線係無得頂。事隔幾年重臨舊地 (慶幸間舖仲喺度) 再嘗豬扒撈米線，今次挑機嗌左大辣。感恩過左幾年味道不變，酸菜甜酸味好正，而辣係辣得好過癮。豬扒有只有少少肥位，我覺得一塊好食既豬扒就係要咁樣。囗水雞嗌左例牌share。我鍾意食嫩損下肉就覺得ok，但如果鍾意食啖啖肉，呢個就唔係你杯茶。辣度略嫌太溫和。蠔仔豬軟骨米線，蠔仔如圖大大粒。食米線未必一定食老譚既，呢個都係你既選擇。下午茶&晚餐包冷熱飲品。