銀座梅林 (Closed)

好耐無食銀座梅林炸豬排，之前食過幾次都好正，但相距都好一段日子，今日再去估唔到服務及食物都同我兩年多前第一次去相差o甘遠, 今日叫左個炸豬排套餐 $175+10%, 呢個價位應該可以有期望對嗎？但豬排食食下發現中間有一部份係炸唔熟，呢個真係有D令我好失望，於是同一年輕女性侍應講，佢問我點？我問返佢可以點？佢馬上取去處理，一分鐘後俾返我，同一個位都係有血水，係唔熟,咬唔到，講＝無講，做＝無做，我心中感到近200蚊食個 lunch 都可以o甘差，香港真係......埋單後同另一位男員工表達左呢個問題，我見到佢有同位廚師講，希望佢地下次小心D，不過我就有排都唔敢再去，反正宜家日式炸豬排愈來愈多， 有其他選擇希望佢地唔係一味只顧開分店攪到食物質素同員工服務都愈來愈差