十六座車仔麵 (Closed)

朋友話約旺角食飯，就諗起旺角有間十六座車仔麵，之前幫襯過太子店覺得幾好食，今次試吓旺角店先。原來佢依家有豬潤食，我的摯愛，一定要試吓先！！一試，估唔到有驚喜！豬潤大大件、好厚、又爽口，非常好食，推介！👍👍有個叫做＂枝竹豆卜”，都好好食！鍾意食枝竹一定要試！咬入口係由一層一層嘅枝竹做出嚟，好香豆味！另外，有個叫＂鮮榨檸檬茶＂，唔記得影相添，都好好飲，飲得出真係鮮榨，入面有檸檬粒粒，甜酸度剛剛好！