好旺角粥麵專家 (Closed)

作為打工仔既我，經常放工之後行陣已經好晏，然而去到咁夜就唔多選擇，要好食就更加少。今次介紹呢間係專食粥麵既，但因為天氣熱好耐無叫過粥，睇住個麵先啦！豬潤炸醬撈麵嘩一睇個碟就已經好心動，係好厚既豬潤啊！！佢本身個豬潤係處理得好好，無渣又唔會煮過時，另外佢個炸醬又係好食，少少辣甜咁，再配埋佢個湯係好夾既，不過就咁飲個湯就會幾鹹同重梘水味。環境黎講都算係幾舒服，職員都係好親切，每次都會再叫多個菜一齊食。但價錢算係少貴，一碟麵係要成 $60，細食既女仔可以叫碗，份量少價錢係平啲咁。