意軒

Open Now

Now Closed

土瓜灣實在太多平嘢食，所以如果要60蚊食個晏，對於土瓜灣打工仔來講要求就比較高啦！呢間意粉屋地方細細，一個廚師兼做埋侍應，之前我試過佢嘅卡邦呢意粉同忌廉湯，印象中卡邦呢唔夠香濃，而個湯直頭係罐頭湯，我記得仲要加錢的。今次叫咗肉醬意粉$58包個湯或紙包飲品，我都係要咗湯，今次係雜菜湯，好似溝左好多水翻㷛，好淡冇味道，亦冇乜雜菜湯渣，肉醬意粉好食，肉醬同意粉分量配比剛剛好，唔知係咪因為用豬肉味道有少少唔同，仲有唔熱嘅蒜蓉包不過都算好食，希望廚師諗下點樣整好個湯，如果唔係就直接送飲品算。