Video
Read full review
2023-04-26
54 views
原來葵芳都有貓🐈café, 仲要離地鐵站唔遠, 葵芳商場一落天橋就到工廈門口 ，大約7-8分鐘距離, 好近呀! 上到去門口有哂指示話比你聽邊度入, 入去第一個閘有個counter, 店員會講清楚收費, $50/1 小時；$100/2 小時；$150/ 全日, 仲會提醒下其他注意事項, 再入第二個閘, 好安全。我地玩緊嘅時候又會同我地分享下平時同貓咪嘅相處。另外, 大家仲可以係另外葵廣小食店食物可以帶去貓貓café, 路程只需5分鐘, CP值極高。又或者係度叫漢堡包、Pizza、飲品、小食, 一邊食一邊同貓玩。環境方面, 空間都好大, 呢度有成超過40隻嘅貓貓呀! 睇睇下, 有幾對都好似, 原本全部都有親屬關係呀! 係另一間玻璃房外面貼有幾幅family tree + 貓貓關係圖。家族關係圖太大了, 攪到我有啲亂呀! 隻隻都有名呀, 但太似樣, 真係好難分到邊隻打邊隻呀! 近第二個閘旁有個玩具柜, 有大家係度gathering時玩嘅boardgame及貓🐱玩嘅玩具。呢度嘅貓貓都比較痴人, 基本上你拎啲玩具引下佢地, 佢地就會同你互動。我最鐘意有隻小肥灰色嘅英短, 好靚仔, 又痴人, 成日
另外, 大家仲可以係另外葵廣小食店食物可以帶去貓貓café, 路程只需5分鐘, CP值極高。又或者係度叫漢堡包、Pizza、飲品、小食, 一邊食一邊同貓玩。環境方面, 空間都好大, 呢度有成超過40隻嘅貓貓呀! 睇睇下, 有幾對都好似, 原本全部都有親屬關係呀! 係另一間玻璃房外面貼有幾幅family tree + 貓貓關係圖。家族關係圖太大了, 攪到我有啲亂呀! 隻隻都有名呀, 但太似樣, 真係好難分到邊隻打邊隻呀!
近第二個閘旁有個玩具柜, 有大家係度gathering時玩嘅boardgame及貓🐱玩嘅玩具。呢度嘅貓貓都比較痴人, 基本上你拎啲玩具引下佢地, 佢地就會同你互動。
我最鐘意有隻小肥灰色嘅英短, 好靚仔, 又痴人, 成日都爬係我隔離。呢度啲貓🐱每隻都好有性格, 但隻隻都任摸唔嬲。仲有一隻比較肥, 我以為佢有咗, 點知原來佢好為食, 食到個肚腩揼落地, 糧食放題得佢一個不停食。另一隻淺啡色長毛, 行出嚟好有霸氣呀, 好似大佬咁。仲有一隻不停叫, 店員話佢發情期, 叫我地小心佢, 怕佢爪你。店員已經熟哂佢地啲皮性, 比哂溫馨提示。靜靜坐係度睇下佢地走嚟走去玩下, 跳下, 追下, 都幾治癒呀!
大家可以去支持下, 環境清靜, 學生更可黎溫書print野, 都係一個好嘅自修室呀! 貓🐈café嘅收入撥作支援救援浪浪用途。大家嚟貓Cafe 都記得好好跟足指引, 保障返貓同自己嘅安全啦!
Post
