馬灣小巷

Open Now

Now Closed

最近去咗馬灣公園郊遊，喺臨走之前當然要去埋馬灣嘅貓貓壁畫度打下卡影下相。係馬灣公園步行約二十分鐘，就會去到田寮新村，而貓貓壁畫就畫咗喺馬灣小巷餐廳嘅外牆出面，貓貓真係畫得好靚好可愛。影完相又未食嘢，所以就順便係餐廳醫埋肚，餐廳除咗有各式各樣嘅小食外，亦有飯同粥提供，而且仲有自家製飲品，見到餐牌寫住超巨型雞脾王，所以就好好奇究竟有幾巨型。實物嚇咗我一跳，未見過咁大隻雞脾，食一隻都已經唔洗食飯，雞脾肉質嫩滑之餘唔嚡口，加上又已經調過味，所以唔洗再落其他調味料。另外叫咗黑豚肉餅，肉餅炸得酥脆不油膩，味道亦唔錯。