毛所樹樹

Open Now

Now Closed

放工無所事事又想要正能量，最好就係去長沙灣緬因貓奴朝聖之地「毛所樹樹」吸貓。cafe環境寬敞，而且全店乾淨整潔冇異味。我哋先叫咗2杯飲品 ，「Thanks God It’s Friday 」苦中帶甜，好乎合打工仔心聲；Flat White咖啡香滑冇酸味，個人十分喜歡。正當我哋四處同貓貓打卡之際，部分貓主子便趁機走到我哋座位上，進行物品大搜查，非常可愛。服務員話cafe最近update左新menu, 多咗幾款素食可以揀，於是我哋都叫咗個經典炭燒（素）牛肉漢堡配薯條試吓。漢堡軟熟多醬汁，內裡大大塊菠蘿，正好中和返牛肉味道，大啖食都唔覺膩。烤焗法國黃油雞配薯菜燒汁，黃油雞香口惹味，外脆內嫩，令一心想吸貓嘅我哋分身不暇。甜品我哋食埋個藍莓芝士Muffin，為這個有貓陪伴嘅晚上劃上完美句號。推介需要正能量嘅各位貓奴，快啲嚟貓貓cafe親親主子啦。