URBAN Cafe (麗新商業中心)

Open Now

Now Closed

餐廳會要求入座前先著鞋套，確保唔會帶細菌入內，對貓貓造成危險。一入到去已經好多貓貓走來走去，主要係英短，全部唔同毛色，好可愛。貓貓好freestyle，會隨時跳上枱面。當然如果好介意貓毛周圍飛嘅人，可能唔係咁啱去。食物份量全部偏細，但可以理解，重點係貓貓嘛～煙三文魚溫泉蛋意粉，只有一塊好似膠布size咁大嘅煙三文魚，不過成個意粉味道係正常，就係一般忌廉意粉。封門柳比較有驚喜，做到好軟淋，好香牛味，又有少少咬口，相當唔錯。但下面嘅薯蓉吸哂啲血水，望落有啲難接受。蕃薯條上有蜜糖，不敗組合。熱朱古力都幾香濃。