旺記冰室 (鴻輝大廈B座)

Open Now

Now Closed

經過見到女人街尾開咗間有好多貓貓插畫嘅冰室，主打我好鐘意嘅滑蛋飯所以入咗去試試，餐牌嘅選擇唔算好多，但每日都有唔同嘅精選特餐，最後揀咗個自家製叉燒滑蛋飯同一個鮮薑汁豬膶鮮雞湯通粉，通粉餐會配埋炒蛋同多士。自家製叉燒滑蛋飯，食落唔錯，炒蛋幾滑，份量都好大，叉燒食落都唔錯，豉油落得比想像中多，下次再去應該會叫佢地落少啲😂。鮮薑汁豬膶鮮雞湯通粉，薑汁味都幾重，而且豬潤食落唔會好老，都唔錯。炒蛋都幾滑，多士可以加錢轉奶油豬，奶油豬好脆身😋。野飲叫咗一杯凍奶茶同凍檸茶，正常好飲😂。