URBAN Cafe (麗新商業中心)

Open Now

Now Closed

本身都好鍾意貓貓，所以得閒就會去貓cafe ，有得食又有得玩。今次嚟到荔枝角嘅Urban Cafe, 一入門口已經發現場地好大，貓貓可以活動自如。野食係用QR code 落單。主菜我叫左個原條鰻魚明太子意粉，朋友就叫左紐西蘭紅酒燴羊膝。鰻魚超大條好冧，明太子意粉加咗牛油，牛油味超級香濃。羊膝好大份，貓cafe好少有。我地仲叫左小食同飲品。小食叫咗黑松露芝士薯條。一上菜就聞到好香嘅黑松露味，芝士食到底都仲有，份量好多，可以慢慢食。飲品方面，我哋叫咗抹茶拿鐵同Oreo脆脆朱古雲朵沙冰。抹茶拿鐵抹茶味濃郁，朱古力沙冰極龍朱古力味上面仲有好厚嘅邪惡cream。最後我哋叫咗甜品：日式朱古力金川燒。金川燒好似車輪餅。一碟有兩塊，內餡係吉士，旁邊配上oreo雪糕，吸引咗好多貓貓過嚟。不過記得千祈唔好俾貓貓食人類嘅食物。呢度嘅食物選擇夠多，環境光猛闊落又乾淨，非常推介比所有愛貓之人。