Video
Read full review
2020-05-22
408 views
呢間鋪嘅bagel真係超多款，雖然唔正宗，口感不及傳統款式有咬口，但味道都唔錯，外煙韌內軟綿，而且面包體濕濕地，唔會話好乾。佢地嘅貝果真係勁多餡，啖啖滿足。🍊朱古力紅莓貝果 $16朱古力粒好多，而且係半融狀態，成個包都有濃郁嘅朱古力味。相比之下，紅莓雖然無朱古力粒咁多，但係都好足夠，成個包都夾雜左好多好多料。朱古力微甜，紅莓有少少酸，好開胃。對於朱古力包而言，佢嘅甜度啱啱好，係我試過咁多朱古力包入面味甜度最低之一。🍊擂沙黑芝麻貝果 $16呢款食嘅時候真係有少少驚訝。本來以為係甜包，估唔到面包體居然有少少鹹，但係又同甜嘅芝麻餡配合得好好，成個包好香口。芝麻餡係甜d，但係唔甜嘅話就會澀，所以理解到。有芝麻撈左係麵包入面，所以個包唔會話好齋，反而令芝麻味更突出，而且可以增加口感。整體而言，佢係一個好出色嘅芝麻包。🍊抹茶紅豆麻薯貝果 $16麵包嘅抹茶味唔算好濃，但係都食得出。紅豆餡嘅甜度ok，對我而言尚算接受到。麻薯反而太軟太黏，唔係好煙韌，一啖咬落去無咩口感，被有咬口嘅麵包同味重嘅紅豆搶左風頭，所以唔係幾食得出。整體而言，呢個包比較普通，除左包皮有咬口比較特別外，無咩過人之處，感覺同其他面包
🍊朱古力紅莓貝果 $16
朱古力粒好多，而且係半融狀態，成個包都有濃郁嘅朱古力味。相比之下，紅莓雖然無朱古力粒咁多，但係都好足夠，成個包都夾雜左好多好多料。朱古力微甜，紅莓有少少酸，好開胃。對於朱古力包而言，佢嘅甜度啱啱好，係我試過咁多朱古力包入面味甜度最低之一。
朱古力紅莓貝果
$16
31 views
0 likes
0 comments
🍊擂沙黑芝麻貝果 $16
呢款食嘅時候真係有少少驚訝。本來以為係甜包，估唔到面包體居然有少少鹹，但係又同甜嘅芝麻餡配合得好好，成個包好香口。芝麻餡係甜d，但係唔甜嘅話就會澀，所以理解到。有芝麻撈左係麵包入面，所以個包唔會話好齋，反而令芝麻味更突出，而且可以增加口感。整體而言，佢係一個好出色嘅芝麻包。
擂沙黑芝麻貝果
$16
75 views
0 likes
0 comments
🍊抹茶紅豆麻薯貝果 $16
麵包嘅抹茶味唔算好濃，但係都食得出。紅豆餡嘅甜度ok，對我而言尚算接受到。麻薯反而太軟太黏，唔係好煙韌，一啖咬落去無咩口感，被有咬口嘅麵包同味重嘅紅豆搶左風頭，所以唔係幾食得出。整體而言，呢個包比較普通，除左包皮有咬口比較特別外，無咩過人之處，感覺同其他面包鋪嘅抹茶紅豆包差唔多。
抹茶紅豆麻薯貝果
$16
32 views
0 likes
0 comments
🍊台灣大甲芋泥貝果 $16
呢個包奶味好重(有d似奶粉陣味)，芋泥餡夠多，甜度適中偏高，但係同味淡嘅麵包一齊食就啱啱好。我唔係幾鐘意食芋頭，所以平時好少買芋泥包，所以唔係幾分到佢嘅芋頭味重唔重，不過味道好似同我食過為數不多嘅芋泥包差唔多，但係佢嘅奶味就香d濃d。好唔好食見仁見智，我就覺得OK。
台灣大甲芋泥貝果
$16
58 views
0 likes
0 comments
🍊紫菜香蒜芝士貝果 $16
我比較鐘意食甜包，所以呢個一開始就真係無打算試。不過既然試左咁多款，就唔差呢個啦。個包有d油，聞上去有好香嘅蒜味。咬左一啖之後真係驚喜，比我想象中更好食。個底甜甜地，麵包體應該加左紫菜，食得出淡淡紫菜味。蒜香雖然濃烈，但係又唔會話遮左紫菜同芝士嘅味道。麵包入面有成條芝士(同藍莓乳酪嘅一樣)，三者配合得好好，鹹香撲鼻。雖然攞上手有d油，但係入口反而OK，同其他款比，雖然口味重左d，但係都好特別好好味。
紫菜香蒜芝士貝果
$16
32 views
0 likes
0 comments
入面仲有好多包揀
Post
