貝爾特酒廊 (Under Renovation)

趁生日去食自助餐，今次揀左呢個新開無耐嘅型格酒店，有半自助餐食。位置西鐵站不遠處，但遇上落雨，推著BB車有啲狼狽。精品酒店餐廳唔算大，但座位闊落，非常舒適自在。 週末自助早午餐。一邊係自助檯，以半自助餐黎講都算唔錯，有芝士、煙三文魚、風乾火腿。 麵包、沙律吧連兩款凍海鮮。 三款粟米片可自行配鮮牛奶，另有燒味、pizza。 熱盆炒小菜、粉麵飯等飽肚野。 仲有少許中式蒸點心同餐湯。 主菜揀左一份烤羊架，味道正常。 另一個主菜叫左個什麼什麼燒豬柳，賣相唔係太得，好普通。 又到甜品時間，選擇算多，有水果，仲有蛋糕、杯子甜點等。 價錢唔貴，雪糕就只有最普通嘅雀巢牌。但甜品味道都正常嘅。 來到咁偏遠嘅地區，唔會要求自助餐有幾咁好食，二百幾蚊，加唔記得左幾多折。正正常常，普普通通，志在hea一個中午慢歎午餐。