Taylor Shellfish Farms (新村街)

Open Now

Now Closed

五月將近，表妹就襯XO仔生月未過，週五請表哥去大坑一家叫「Taylor Shellfish Farms」o既酒吧餐廳度食蠔慶祝，仲捉埋契妹做陪客添。 食店雖然位於較入o既新村街，不過可能近住樓梯口，對附近啲街坊最為方便，單睇人流及入座率，感覺似乎係區內最旺o既一間食肆 。店子內外o既燈光同屬柔和，外牆簡單吊有盆栽作裝飾。地下中央位置為水吧及開放式廚房。除咗有室外座位之外，窗邊亦設有一列高櫈位。XO仔因已預先訂座，並早到咗半個鐘頭，故三人好幸運地被安排入座私隱度較高，而又最為舒適o既角落位四人枱 。牆上及餐桌上都可見誘人o既蠔相，農場主打邊款貝類極之明確 。門外o既易拉架所示，午市套餐只有炸魚、青口及蜆o既菜式，睇黎午餐要食蠔都一定要散叫。食物及飲品餐牌主要有兩頁。只係列印成自助點菜紙後就變成四頁之多 。週末剛臨，又話明係慶生活動，我地就應哥哥仔推介，叫咗枝白酒飲，準備配食主角生蠔 。生蠔種類繁多，全印於餐牌上，雖則可細閱各款蠔種o既特徵，無奈輪流閱讀實在費時，結果都係等肥叔叔因應三人不同o既喜好，代為度身揀選 。淨食生蠔唔易飽肚 ，所以我地好醒目地額外叫咗沙律、蒜蓉包