Video
Read full review
2019-04-10
2123 views
在日本錯過左食天婦羅的機會，返到香港專程找一些高質的天婦羅餐廳。上網見呢間天扶良話日本人師傅主理便心動了，決定去試一試!星期六的中午，可能是因為當天是七人攬球賽的原故，食客約7成滿左右，（還是建議大家預先訂座），我們被安排座吧枱，可以見到師傅在面前即整自己點的食物。即使坐在「炸物區」都唔怕，因為有個蓋擋住，唔會彈到。不過，d師傅較嚴肅，唔會好似日本咁笑容滿面，可能佢地係香港住左一段時間，壓力大左，笑容都無咁多，不過認真程度十足，態度很專業。待應就係識講日文既香港人，服務中規中矩啦！這間餐廳午餐有不同組合的套餐：天婦羅、壽司、刺身等；午餐set價格由$150-$430不等。野菜天婦羅丼（$210）天婦羅有南瓜、甜番薯、蓮藕、青辣椒仔、茄子、冬菇、不知名既菜；另外有沙律、前菜、麵豉湯、甜品同餐飲（茶/咖啡）這裡天婦羅丼的食法是沒有配天婦羅汁，個人怕太乾都問待應提供醬汁。沾上一次汁後，反而覺得浪費了本身天婦羅的脆皮和味道。原來炸得好的天婦羅是不用沾上汁的。呢到d天婦羅果然出名，炸粉薄薄一層，同d野菜融合一齊，唔會似平時食果d平野咬完一啖舊肉跌出黎。👍🏻👍🏻👍🏻另外，食落口唔會一口油，反而唔覺
星期六的中午，可能是因為當天是七人攬球賽的原故，食客約7成滿左右，（還是建議大家預先訂座），我們被安排座吧枱，可以見到師傅在面前即整自己點的食物。即使坐在「炸物區」都唔怕，因為有個蓋擋住，唔會彈到。不過，d師傅較嚴肅，唔會好似日本咁笑容滿面，可能佢地係香港住左一段時間，壓力大左，笑容都無咁多，不過認真程度十足，態度很專業。待應就係識講日文既香港人，服務中規中矩啦！
這間餐廳午餐有不同組合的套餐：天婦羅、壽司、刺身等；午餐set價格由$150-$430不等。
野菜天婦羅丼（$210）
天婦羅有南瓜、甜番薯、蓮藕、青辣椒仔、茄子、冬菇、不知名既菜；另外有沙律、前菜、麵豉湯、甜品同餐飲（茶/咖啡）
這裡天婦羅丼的食法是沒有配天婦羅汁，個人怕太乾都問待應提供醬汁。沾上一次汁後，反而覺得浪費了本身天婦羅的脆皮和味道。原來炸得好的天婦羅是不用沾上汁的。
呢到d天婦羅果然出名，炸粉薄薄一層，同d野菜融合一齊，唔會似平時食果d平野咬完一啖舊肉跌出黎。👍🏻👍🏻👍🏻另外，食落口唔會一口油，反而唔覺得食緊炸野！上餐廳的網站發現原來師傅是用純正的芝麻油處理炸物，唔知有無關係呢？提外話：食飽後發覺比漏左呢個set既麵豉湯我😢
壽司御膳（$220）+ 單點細冷麵（$60）
玉子、甜蝦、呑拿魚等連較貴既壽司都有：海膽、三文魚子、拖羅、帶子。另外有前菜、蒸蛋、麵豉湯、甜品同餐飲（茶/咖啡）。
- 三文魚子: 一食就知中上貨色，因為唔腥但又未至於靚魚子咁甜
- 玉子、甜蝦、海膽：正常發揮，係比元氣好食得多但未至於有嘩一聲既感覺
- 帶子：咁多款之中最唔好食，好薄同欠缺帶子甜味
- 冷麵：有烏冬同喬麥麵選擇，我地揀左喬麥麵。麵質爽口，有d食完個口一pat野咁但呢個唔會。沾上咸咸地既醬汁好夾。個人覺得係sogo 買d麵同汁麵整到差不多味道。煮麵就睇個人技術了⋯
麵豉湯：
看似普通，但喝上來會不自覺地點起頭來讚好，有種清甜，不會太咸，應有的味道是剛剛好的那種，你會感受到就連配角也是製作認真的。
餐茶同甜品：
甜品就不是他們的強項，不會太突出，如果不是連餐附送，也不建議特別去叫甜品。
總括而然，喜歡吃天婦羅的朋友會很滿足，價錢和食物質素也非常合理，而且會有想找時間再吃的衝動。
順帶一提，餐廳逢星期一休息。
Post
