Video
Read full review
2021-11-12
157 views
超級負評！！！人生第一次負評俾左佢！話說有日經過沙田中心搵緊野食見到呢間有放題因為以前食過午市覺得唔錯正正常常所以就入左去食放題 仲叫左好似最貴果個餐$328極盛放題第一次畫紙叫野食（當中包括刺身）5:50分入座 刺身一直未到（其他野食只上左一至兩碟）我（好有禮貌咁問個侍應）：你好 岩岩刺身叫左好耐仲未到 唔知係咪漏咗單呢～佢（好冇禮貌咁答）：等吓先啦整緊㗎啦（連去睇都冇睇就咁答我）過左10mins左右仲係未到 我再舉手叫人我話：我等咗就嚟一個鐘啦喎 佢：（直接走左去 頭也不回，但我好肯定佢聽到啦！佢本身見到舉手走埋來的 但見我咁講 佢去收碟走左）我真係o曬！！我望一望時間 真係足足等左一個幾鐘跟住我就聽到隔離枱嗰兩台乘客都喺度講話佢哋啲刺身同埋啲嘢食都仲未度 佢地仲早過我入黎 （我就知自己中左伏）之後我哋輪流不停叫侍應過嚟佢嘅答覆都係一樣：個個都要等㗎啦 等下先啦（係一個啊嬸員工）（仲有一個貌似話得事嘅男人）兩個都係差不多態度 同佢講佢係只會敷衍你 男@佢仲要答返我 佢哋每一個職位得一個人喺度整啲嘢食 即整即食 所以要等咁耐囉。我話咁呢個係你哋公司自己嘅問題啦 唔夠人整野食可以請多d
話說有日經過沙田中心搵緊野食見到呢間有放題
因為以前食過午市覺得唔錯正正常常
所以就入左去食放題 仲叫左好似最貴果個餐$328極盛放題
第一次畫紙叫野食（當中包括刺身）
5:50分入座
刺身一直未到（其他野食只上左一至兩碟）
我（好有禮貌咁問個侍應）：你好 岩岩刺身叫左好耐仲未到 唔知係咪漏咗單呢～
佢（好冇禮貌咁答）：等吓先啦整緊㗎啦（連去睇都冇睇就咁答我）
過左10mins左右仲係未到 我再舉手叫人
我話：我等咗就嚟一個鐘啦喎
佢：（直接走左去 頭也不回，但我好肯定佢聽到啦！佢本身見到舉手走埋來的 但見我咁講 佢去收碟走左）
我真係o曬！！
我望一望時間 真係足足等左一個幾鐘
跟住我就聽到隔離枱嗰兩台乘客都喺度講話
佢哋啲刺身同埋啲嘢食都仲未度 佢地仲早過我入黎 （我就知自己中左伏）
之後我哋輪流不停叫侍應過嚟
佢嘅答覆都係一樣：個個都要等㗎啦 等下先啦（係一個啊嬸員工）（仲有一個貌似話得事嘅男人）兩個都係差不多態度 同佢講佢係只會敷衍你
男@佢仲要答返我 佢哋每一個職位得一個人喺度整啲嘢食 即整即食 所以要等咁耐囉。
我話咁呢個係你哋公司自己嘅問題啦 唔夠人整野食可以請多d人 唔係叫客人自己慢慢等掛？
我真心未試過有一間店等咗一個鐘都冇嘢食上枱仲要態度咁差！
最後等咗個幾鐘我等到燥底喺度大聲問個侍應到底想點？仲要講耐先到等等..
佢哋先至拎嘢食上我張枱
最好笑係佢同我講啲嘢食要一張一張單接完佢哋入面先會即刻整 所以要等咁耐 但係出來碟野係唔熱嫁！（講緊串燒啊果d熱食）
再來 刺身終於到咗 但係一睇已經係淋曬既狀態 冇新鮮可言 三文魚全部冇切斷開一片片 （一片拉住一片）
手卷到左 但手卷塊紫菜係淋嘅！
更唔好講最貴呢個套餐先食得嘅鵝肝同帶子嗰啲 叫咗一次鵝肝兩件之後冇再上過😃
我埋單走同時嬲到話要搵佢地經理反映返同投訴
男@答返我佢哋店冇經理冇店長仲要冇投訴熱線👍🏻👍🏻👍🏻👍🏻👍🏻
我同個男侍應講話我未試過食一間野係好似佢哋咁差態度
仲要覺得啲客等一個鐘先有野食係理所當然
佢話佢哋晚市放題啱啱新做所以先至咁，同埋佢哋有三個鐘食嘢可以慢慢食wo ，話叫我唔好同其他放題比，我話你係有三個鐘啊，但一個鐘先「上」一次嘢食，我再叫多次你都唔知上唔上得切即係我總共只可以叫兩次嘢食？再嚟 點解唔可以同其他餐廳俾你收得 呢個價錢
我入得來你個牌寫住有呢啲嘢食
咁我就預咗你係真係有得俾我食㗎啦！
我入到黎仲要發現原來唔係淨係得我一個咁講其他客人都咁講話等好耐冇野食！
唔係話有三個鐘頭食野就大晒
你覺得等個幾鐘食嘢係理所當然 要我體諒你哋間舖頭 咁點解你唔喺門口入座之前就同我講：我有三個鐘頭俾你食嘢但係你填完紙之後要等個幾鐘我先會上菜（或者更耐），唔好催我地 我地唔會理你？你睇吓我仲入唔入嚟？佢先話唔好意思！
事情發生係10月1日 我今日先出留言係因為啱啱喺屋企搵到張單
7 views
0 likes
0 comments
Post
