三ステーキ (Closed)

依家間餐廳已經係好多唔同嘅區域都有分店，自助式嘅經營、好似喺日本食飯咁樣要喺賣飛機器到入錢攞飛，都係呢一間餐廳嘅特色嚟。牛肉方面有好多唔同價位可以俾你選擇，無論選擇邊一款都係以石燒牛肉咁樣嘅方式呈現，我覺得食石燒牛肉最需要注意嘅係要時時刻刻睇住牛肉嘅生熟程度，唔想過生或者過熟，又唔想塊石燒到冇晒熱力，第一樣要做嘅嘢就係快快手影張概就算，然後唔好用電話咁樣食飯～～不過如果你塊石真係燒到冇晒熱力嘅話，都可以聯絡職員同佢地講聲佢哋會幫你換！呢度最抵食嘅地方就在於可以無限添飯、湯同沙律，啱晒大食嘅朋友！