Video
Read full review
2015-02-01
3441 views
因為之前沉迷左吃韓式燒肉，所以好耐冇食過呢間，今朝見出開旺角，就同女朋友返黎呢間食下。12點半去到，嘩....星期日居然1個人都冇~! 有d驚驚地 ，一坐低﹑見到餐牌唔同左wo，最平既午餐set 都要成舊水，之前好似冇咁貴，我地就揀左個$138 lunch set (1 舊豚肩, 2 舊豚勁肉, 3舊牛小排 + 白飯﹑湯﹑生菜﹑一杯野飲) 再散叫加左1個泡菜湯 ($68)﹑1 碟豚勁肉 (4舊) ($7x) and 多1個白飯 ($18)，我記得我地以前晚餐散叫食都係差唔多價錢，d 肉仲好似多d，而家散叫ge 餐牌cut 左以前比較抵d ge set，所以計落加價都加左唔小。 第1個黎既係泡菜湯同埋白飯，但我地太心急食﹑完全唔記得影相，個泡菜湯一黎到係熱辣辣，用黎撈飯先係一流，所以肉未到，我同女朋友已經每人ko 左半碗飯，個湯味道好濃泡菜味，但又不太辣，可能韓式同日式整ge 味道有小小唔同，呢碗泡菜湯感覺上冇咁油膩，但可惜份量太小，好快就消滅左。之前lunch set 同豚勁肉黎，".........." 係我同女朋友既反應，比以前份量細左勁多!!! 肉既大小比以前起碼細左3分1，以前
12點半去到，嘩....星期日居然1個人都冇~! 有d驚驚地 ，一坐低﹑見到餐牌唔同左wo，最平既午餐set 都要成舊水，之前好似冇咁貴，我地就揀左個$138 lunch set (1 舊豚肩, 2 舊豚勁肉, 3舊牛小排 + 白飯﹑湯﹑生菜﹑一杯野飲) 再散叫加左1個泡菜湯 ($68)﹑1 碟豚勁肉 (4舊) ($7x) and 多1個白飯 ($18)，我記得我地以前晚餐散叫食都係差唔多價錢，d 肉仲好似多d，而家散叫ge 餐牌cut 左以前比較抵d ge set，所以計落加價都加左唔小。
第1個黎既係泡菜湯同埋白飯，但我地太心急食﹑完全唔記得影相，個泡菜湯一黎到係熱辣辣，用黎撈飯先係一流，所以肉未到，我同女朋友已經每人ko 左半碗飯，個湯味道好濃泡菜味，但又不太辣，可能韓式同日式整ge 味道有小小唔同，呢碗泡菜湯感覺上冇咁油膩，但可惜份量太小，好快就消滅左。
之前lunch set 同豚勁肉黎，".........." 係我同女朋友既反應，比以前份量細左勁多!!! 肉既大小比以前起碼細左3分1，以前有雞脾姑做配菜﹑而家冇左，泡菜份量都小左一截，咁算啦，照開始食吧。其實食法同韓式燒肉差唔多，都係包生菜+點醬食，生菜份量都好多﹑但無奈肉ge 份量好小，豚肩肉食落好乾﹑好"鞋"，口感好差，而牛小排冇乜牛味﹑好似食緊1舊冇味ge 肉，豚頸肉不嬲以前覺得好正﹑所以我地散叫一碟，其實味道﹑肉質﹑口感都keep 到，但可惜份量keep 唔到呢，細舊左好多，最後埋單$32x，lunch 呢個價算好貴，早知食牛角好過，短期內唔會再黎。
我地食左個幾鐘，入黎ge 客人唔夠5個，但今日係星期日ge 旺角，所以算小人小得誇張，但坐既環境係確實唔錯，如果大家想坐得舒服傾計，呢度係唔錯，但如果想enjoy 野食，就........祝你好運!
Post
