One More Hotpot 來一鍋 (Closed)

一班人去打邊爐最好都係選擇任食形式，起碼人人飽肚。今次就試試呢度嘅海鮮任食邊爐，同好多邊爐都係一樣，肥牛同海鮮係冇得任食嘅，所以都祈望唯一嘅果一盤海鮮嘅料會既新鮮又靚食材，可惜呢度唔係好做到。因為我地有十個人，所以海鮮盤派頭大，但係味道毫無驚喜。生蠔有啲仲未解完雪，硬崩崩上枱，而最新鮮嘅應該係龍蝦但可惜肉質亦不彈牙，蝦味亦不特出。而比較好質素嘅係手切肥牛，冇乜雪氣味之餘又肥瘦均勻，入口有牛味，係比較新鮮嘅食材。而其他嘅配料比較突出嘅有大大塊嘅炸魚皮同埋炸響鈴卷，自家舖頭製作嘅兩樣都十分香口。