Cow Bean (TKO Gateway) (Closed)

之前行過見到有間扒，西冷肉眼睇落去好平啦，但係太夜無得食，於是期待左好耐。終於有次可以同女女試下，滿心期待咁排隊入去啦，叫左兩客300g肉眼扒餐，一個美國一個澳洲，兩位埋單$440。結果簡直失望透頂，塊扒韌又多筋，d薯條又窿又硬，唯一特點就係有支裝韓國Cider飲，其他全部都不知所謂，本身縱諗住話平，點知埋單人頭200幾，真係越食越激氣。鋪頭入面縱要無抽煙機，學人賣鐵板扒，7點入去岩岩晚市還好，去到8點已經成間鋪頭都係油煙，真係留多陣都比d煙燻死。