丸亀製麵 (iSQUARE國際廣場)

Open Now

Now Closed

嚟到尖沙咀呢啲縱橫全港最貴地段，要平平地搵間餐廳食飽都唔簡單，同時如果想食得好少少就真係難上加難。今次嚟咗位於iSquare 6樓嘅丸龜，係個比較相宜又好食嘅選項。有食過丸龜都知，點餐算係半自助的，先喺bar檯同師傅點餐，再拎去埋單，先再入座，所以等候過程同時間都感覺唔太耐的。今次叫咗炭燒雞肉拌烏冬，抵食亦好食。烏冬嘅質素不在話下，係既有咬口又夠彈牙嘅麵，而醬汁方面有點肉碎同麻辣汁提味，食落嘅味道似擔擔麵，加上客人可以feel free加例如蔥花、薑、天婦羅碎等等嘅配料，大家都可以按喜好customise。而炭燒雞肉就中中挺挺，表面夠脆，但肉身偏乾咗啲，但明白量產係喺再保溫嘅狀態下處理，算不錯的了。總體來說，食物真係抵食又高分。除咗食物之外，如果食客體驗上能夠做得更好就係福音了。環境上，地板頗黐立立，檯面都未有清理（呢度溫馨提示食客，丸龜係自助還盤的，請自律啊），還有燈光明亮一點會食得更開心。整體來說，可以平平地食得不錯已經好好！🫶🏽炭燒雞肉拌烏冬賣相：⭐️⭐️⭐️⭐️味道：⭐️⭐️⭐️⭐️價錢：⭐️⭐️⭐️⭐️