Video
Read full review
2015-08-23
512 views
朋友係太古坊返工, 接佢放工, 諗住係附近食下快餐就算, 點知一向鍾情於日本野食嘅佢, 想黎Misocool食下日本野, 見價錢又唔太貴, 咁就咁左個Omakase 二人盛宴。係壽司師傅準備各類刺身壽司之時, 我地二人各叫左一杯野飲, 分別係荔枝水果茶, 同埋香檳葡萄雪冰。望落去, 兩杯野飲都尤如琉璃工品一樣燦爛, 味道亦甜而不膩, 夏天消暑飲就一流!!等左唔駛好耐, 前菜三文魚蟹籽沙津有得食喇! 無論係魚肉, 定係蔬菜嘅選擇, 都食得出係鮮味十足, 絕無欺場!接住落黎, 就係師傅係我地面前整嘅壽司拼盤, 分別係三文魚腩、活魚同埋玉子燒。坦白講, 三文魚壽司就食得多, 但係有質素嘅真係唔多, 但係確實出色, 油脂分佈均勻, 幾乎有入口即溶嘅感覺!!壽司之後就到Miso脆雞翼, 就咁聽個名, 好似平平無奇咁, 但係淨係睇個presentation, 都feel到佢同一般雞翼唔同。沾有七味粉嘅雞翼, 咬落去肉汁其多, 味道亦唔錯。日式煎餃子亦都係誠意推介。皮薄餡靚雖然係一句cliché, 但亦都係最客觀老實嘅形容, 脆脆嘅外皮, 將充滿肉汁嘅餡肉鎖住, 目的就是希望你可以品嘗最上乘嘅日式煎
係壽司師傅準備各類刺身壽司之時, 我地二人各叫左一杯野飲, 分別係荔枝水果茶, 同埋香檳葡萄雪冰。望落去, 兩杯野飲都尤如琉璃工品一樣燦爛, 味道亦甜而不膩, 夏天消暑飲就一流!!
等左唔駛好耐, 前菜三文魚蟹籽沙津有得食喇! 無論係魚肉, 定係蔬菜嘅選擇, 都食得出係鮮味十足, 絕無欺場!
接住落黎, 就係師傅係我地面前整嘅壽司拼盤, 分別係三文魚腩、活魚同埋玉子燒。坦白講, 三文魚壽司就食得多, 但係有質素嘅真係唔多, 但係確實出色, 油脂分佈均勻, 幾乎有入口即溶嘅感覺!!
壽司之後就到Miso脆雞翼, 就咁聽個名, 好似平平無奇咁, 但係淨係睇個presentation, 都feel到佢同一般雞翼唔同。沾有七味粉嘅雞翼, 咬落去肉汁其多, 味道亦唔錯。
日式煎餃子亦都係誠意推介。皮薄餡靚雖然係一句cliché, 但亦都係最客觀老實嘅形容, 脆脆嘅外皮, 將充滿肉汁嘅餡肉鎖住, 目的就是希望你可以品嘗最上乘嘅日式煎餃子。
黎到差唔多尾聲, 一次過有兩款海鮮食品登場。首先有用料十足嘅野生海鮮鍋, 將元貝、魷魚、蜆, 同埋滑嫩嘅豆腐同埋蔬菜共冶一爐, 個湯嘅鮮甜程度真係差啲令我語窒 再試埋個醬汁極吸引嘅海鮮冷烏冬, 真係令人大滿足!!
臨走之前, 仲有個北海道低脂奶凍, 充滿奶香味而口感極滑, 簡直就係呢餐最perfect嘅句號!
Post
